A Mariña, 19 de outubro de 2018. A Mancomunidade de Municipios da Mariña vai comezar a desenvolver nos institutos da comarca o programa Catuxa, co que obtivo o segundo dos premios Coopera da Xunta de Galicia. Trátase dun proxecto no que se traballará a prol da igualdade e contra a violencia de xénero.
O presidente da Mancomunidade, Alfredo Llano, contou que “estamos comezando o proxecto Catuxa, co que gañamos o segundo premio dos Plan Coopera da Xunta de Galicia, que vai dedicado basicamente á formación de alumnos e alumnas dos diferentes niveis dos institutos para que sexan conscientes do que significa a violencia de xénero e a igualdade”.
Llano manifestou que “o que estamos facendo agora dende a Mancomunidade é poñernos en contacto cos institutos para desenvolver en conxunto este programa que consideramos importante para que remate a finais do curso 2018/19. Xa comezarán con algunha cuestión importante nos institutos neste primeiro trimestre, seguirán o segundo, e posiblemente o terceiro trimestre tamén estarán traballando neste programa”.
O presidente da Mancomunidade de Municipios da Mariña subliñou que “non soamente se vai traballar cos institutos senón que tamén se vai levar adiante cos diferentes concellos da Mancomunidade para que exista unha coordinación e unha planificación integral para solventar este problema da violencia de xénero, e promocionar o termo da igualdade”.
Consello de Turismo
A Mancomunidade de Municipios da Mariña está presente no recentemente constituído Consello de Turismo da Deputación Provincial. Alfredo Llano explicou que “tivemos o acto de fundación do Consello de Turismo para a provincia de Lugo, que é unha idea impulsada pola Deputación, onde hai a representación máxima posible e tamén está a Mancomunidade de Municipios da comarca da Mariña”.
O presidente da Mancomunidade espera que “serva para moito este novo Consello de Turismo e procuraremos que entre todos deseñemos e impulsemos unha idea de turismo para toda a provincia e de forma específica para a nosa comarca. Imos estar aí traballando tal e como vimos facendo, ademais se é dunha forma coordinada co resto de institucións e de organizacións que estean a traballar polo turismo dunha forma que sexa moi beneficiosa en todos os aspectos para a provincia, moito mellor. Consecuentemente espero que a comarca da Mariña saia beneficiada desta nova iniciativa”.
A Mancomunidade de Municipios da Mariña comezará a desenvolver nos institutos da comarca o programa Catuxa para loitar contra a violencia de xénero
Relacionado
-
Unha fotografía da Illa Pancha baixo unha tormenta eléctrica obtivo unha mención especial no sexto certame nacional de fotografía en Instagram “Mi Rincón Favorito”
-
A Mesa pola Normalización Lingüística reclama aulas de galego na Escola Oficial de Idiomas de Viveiro
-
Cervo leva o programa Arruguiñas ao Centro de Día para reforzar o benestar das persoas maiores
Para participar, só é preciso realizar unha compra igual ou superior a 10 euros e rexistrar o tícket na web 
Trátasde dunha adaptación da novela de Neira Vilas no décimo aniversario da súa morte, dirixida por Cándido Pazó. 20.30 horas.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
Solicítase á veciñanza que retire os vehículos estacionados nesta zona durante a mañá do martes, co fin de facilitar o desenvolvemento dos traballos. A Policía Local colocou o luns a sinalización informativa correspondente. Durante as actuacións poderán producirse cortes puntuais de circulación, procurando facilitar o acceso aos garaxes da zona. A duración dos traballos dependerá das condicións meteorolóxicas e da súa evolución. O Concello de Viveiro agradece a colaboración da veciñanza e desculpa as molestias que se poidan ocasionar.
A alcaldesa de Lourenzá, Rocío López, explica que foi “un encontro para compartir, aprender e lembrar a importancia da prevención, a detección precoz e a investigación. E, como símbolo de apoio, un lazo rosa ilumina a fachada da Casa do Concello e os donativos recollidos destinaranse integramente á AECC”.
Ribagorda visitou Ribadeo acompañado polo director xeral de Comercio, Gabriel Alén, nun percorrido polas principais rúas comerciais da vila, xunto ao xerente de ACISA, Jesús Pérez, e a concelleira de Comercio, Marta Saiz. Na Pontenova, o presidente da Asociación de Comerciantes, José Luis Balseiro, reuniuse tamén con Alén e Ribagorda. A campaña “De compras pola Mariña”, promovida pola FCAM e financiada por Comercio Galego e a Xunta de Galicia, difundirá varios vídeos nas redes sociais e na plataforma De las cosas del comer. Ribagorda percorreu estes días Foz, Lourenzá, Viveiro, Burela, Ribadeo e A Pontenova, achegándose ao comercio local e ao patrimonio natural e cultural da comarca.
O encontro principal terá lugar no comedor da carta o mércores 28 de outubro, ás 14:30 h. Ese mesmo día, ás 09:00 h, Jesús Manuel Blanco García, presidente da asociación micolóxica Os Bolouros, ofrecerá unha charla introdutoria para abrir a xornada.
