O presidente do PPdeG, Alberto Núlez Feijóo, na comida mitin do PP de Lugo. Finca La Fortaleza (Lugo), 28 de outubro de 2018
–engadiu- investirá máis de 4.000 euros por cada lucense, moito máis do que se destinaba a esta provincia no 2009”.
Neste senso, Feijóo explicou que as contas para 2019 están cheas de solucións para pagar menos impostos, xa que se amplían as rebaixas aprobadas nos últimos anos; para mellorar a mobilidade, como a futura Ponte de Viveiro; para o rural, con máis investimento e máis esforzo para garantir o relevo xeracional –nos últimos 24 meses, 18.000 mozos comezaron a traballar no agro-; e en materia social, con máis fondos para atención á dependencia e coa apertura das primeiras Casas do Maior. “E o impulso ao Barrio da Residencia de Lugo”, para o que o presidente dos populares galegos reclama o compromiso do Goberno central. Indicou, ademais, que a chegada do AVE a Lugo é “un compromiso sagrado”. Tal e como dixo, Galicia será a única comunidade autónoma que terá orzamento o un de xaneiro de 2019.
Durante a súa intervención, na que puxo de manifesto a parálise do concello de Lugo e unha década de “codazos” na Deputación provincial, o presidente do PPdeG salientou que Lugo se merece algo mellor. “Teñen os motores apagados, o único que funciona é o da Xunta”, sinalou.
Coa vista posta nas vindeiras eleccións municipais, Feijóo apuntou cales son as catro claves para gañar nos 67 concellos da provincia: traballo, para acadar un concello mellor; humildade, porque os alcaldes non son xefes de ningún veciño, senón servidores de todos eles; uns bos equipos, que representen todas as sensibilidades e todas as parroquias; e ilusión, porque para gañar o primeiro e máis importante é querer gañar. “Para traballar polo PPdeG non hai máis requisitos que querer sumar e querer servir aos nosos veciños”, salientou Feijóo, quen destacou a importancia de escoitar á xente para poder dar así coa resposta ás súas demandas.
Do mesmo xeito, salientou que en maio de 2019 non só se elixe ao alcalde ou alcaldesa do noso municipio, senón “a forma de vivir en democracia, de respectar aos demais e de vivir en liberdade”. “As eleccións -engadiu- son para elixir o modelo de país e para dicir basta xa de bromas e de señores que queren romper o edificio que construímos entre todos”. Neste senso, lamentou que haxa partidos que “pretendan destruír e retorcer a man que nos demos” hai corenta anos.
Feijóo amosouse convencido en que o PPdeG será o partido de referencia para a maioría dos lucenses, xa que aquí están os mellores equipos. “En cada concello da provincia, temos que estar ao carón dos nosos veciños. É imprescindible ser accesibles, pero ademais de falar, hai que facer”, indicou.
A organización, a cargo da Asociación R.C.M. Amigos de Monte Castelo, abrirá a venda de parcelas os días 21 e 22, en horario de 18:30 a 20:30, primeiro para confirmar as reservas do ano anterior e despois para repartir as libres. O venres terá lugar a misa na igrexa de Vila do Medio ás 20:00 e, xa pola noite, a actuación do grupo Pekados e o DJ Balbi. O sábado comezará coa sesión vermú a cargo de SP The Sound Project, seguida do concurso de disfraces, xogos infantís, tardeo con DJ Pepu, bingo musical con Marisa Prisa e unha verbena con Pantera Rosa e Gin Toni’s. O domingo celebrarase a misa e procesión en honra á Nosa Señora das Marabillas ás 13:00, e a sesión vermú correrá a cargo do dúo Épok. A romaría conta coa colaboración do Concello de Burela, ABSA e Ledicia, ademais de numerosos establecementos locais.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
