Mondoñedo, 29 de outubro de 2018. Os socialistas de Mondoñedo denuncian que o equipo de Goberno de Elena Candia, aprobou en solitario, rebaixar á empresa NORVENTO o 50% do ICIO, o que supón que os veciños de Mondoñedo deixarán de percibir preto de 110.000 euros pola recadación deste imposto. Acusan a Candia de “actuar como accionista de Norvento, en vez de defender os intereses dos veciños de Mondoñedo”.
A voceira municipal socialista, Esperanza González explicou que as rebaixas que marca a ordenanza, aprobada por unanimidade, están enfocadas á promoción de PEMES e autónomos e non a rebaixa de impostos a empresas millonarias.
González replica que “o Concello de Mondoñedo pasará a historia por ser o primeiro de Galicia en rebaixar un imposto pola creación de 5 postos de traballo a unha empresa que conta con máis de 20 millóns de euros de beneficios. Esta é a xestión do PP e de Elena Candia”. Ademais lembra que esta empresa xa ten outros centros de traballo na provincia, como Muras ou Abadín, e en ningún destes concellos se realizou ningún tipo de rebaixa pola implantación desta empresa.
A socialista informou que esta empresa xa conta con axudas da administración autonómica para a explotación deste sector e conta coa concesión pública que realiza o propio goberno autonómico.
Nese senso a voceira pregúntalle á rexedora “por qué os mindonienses teñen que deixar de percibir eses preto de 110.000 euros, senón se fixo en ningún Concello de Galicia? Un investimento que podería servir para desenvolver outro tipo de proxectos na nosa cidade, como por exemplo a xeración de novos empregos”.
Por último os socialistas critican que Candia parece máis unha parte interesada na empresa, que unha representante pública e institucional, que por encima de todo debe defender os intereses dos seus veciños.
“Os mindonienses non poden permitirse o luxo de perder recursos e investimentos a costa dos favores políticos de Elena Candia. O futuro de Mondoñedo e dos seus veciños non pode someterse á carreira política de ninguén”, resumiu.
A organización, a cargo da Asociación R.C.M. Amigos de Monte Castelo, abrirá a venda de parcelas os días 21 e 22, en horario de 18:30 a 20:30, primeiro para confirmar as reservas do ano anterior e despois para repartir as libres. O venres terá lugar a misa na igrexa de Vila do Medio ás 20:00 e, xa pola noite, a actuación do grupo Pekados e o DJ Balbi. O sábado comezará coa sesión vermú a cargo de SP The Sound Project, seguida do concurso de disfraces, xogos infantís, tardeo con DJ Pepu, bingo musical con Marisa Prisa e unha verbena con Pantera Rosa e Gin Toni’s. O domingo celebrarase a misa e procesión en honra á Nosa Señora das Marabillas ás 13:00, e a sesión vermú correrá a cargo do dúo Épok. A romaría conta coa colaboración do Concello de Burela, ABSA e Ledicia, ademais de numerosos establecementos locais.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
