Madrid, 21 de novembro de 2018.- O conselleiro de Economía, Emprego e Industria, Francisco Conde, instou hoxe ao Goberno e a Alcoa a reaccionar para dar unha resposta urxente á situación que atravesa a empresa en Galicia e Asturias. Así o manifestou tras participar na mesa de traballo convocada polo Goberno á que asistiron, ademais, representantes do Principado, das administracións locais da Coruña e de Avilés e os sindicatos.
Conde reiterou que a Xunta está aberta ao diálogo e á colaboración co Goberno central porque defende a unidade de acción, remarcou. Pero tamén fixo fincapé nos tempos para subliñar que urxe que se consigan avances que, na xuntanza, dixo, “non se produciron”, nin por parte do Goberno nin por parte de Alcoa, que rexeitou asistir ao encontro. “Non se plantexaron medidas concretas para desbloquear a situación e, polo tanto, temos un traballo por diante”, asegurou.
Segundo precisou, o plantexamento segue a ser o de defender os postos de traballo e concentrar todos os esforzos para que a multinacional retire da mesa o ERE e se abra a negociar. E, para iso, asegurou, o Executivo galego quere achegar propostas consensuadas co resto de empresas electrointensivas de Galicia, coas que onte mesmo constituíu un grupo de traballo para identificar as súas necesidades a curto e longo prazo. “Precisamos solucións concretas, precisamos avances, porque cada vez queda menos tempo e necesitamos respostas por parte do Goberno e por parte de Alcoa”, subliñou.
Un marco enerxético estable
O conselleiro sinalou que o Goberno central sabe que conta co apoio de Galicia na tarefa de establecer unha folla de ruta concreta e precisa en materia de política enerxética. Un marco estable que permita ao sector -do que dependen 4.500 traballadores e traballadoras en Galicia- seguir desenvolvendo a súa actividade e incrementando a súa competitividade cun custo enerxético homologable e comparable ao do conxunto de países europeos.
En palabras de Conde, toda proposta que se consiga artellar para dar á industria e, en particular, aos traballadores e traballadoras de Alcoa certezas e repostas, contribuirá a que non se tensione á alza o prezo da electricidade en España que, neste momento, engadiu, é o principal argumento que pode motivar decisións como o ERE que vén de presentar a multinacional norteamericana.
Reiterou, así, a importancia de establecer medidas urxentes polo feito de que estamos nunha conta atrás; e estruturais, é dicir, que permitan de cara ao futuro deseñar un marco enerxético que dea estabilidade e garantías ás empresas electrointensivas e que non repercuta sobre a súa competitividade.
Nese sentido, considerou necesario que a poxa convocada para a primeira metade do 2019 non achegue máis incertezas ás empresas que concorren e que se oferte a totalidade do máximo de megavatios, que son 2.929MW. Tamén, que se executen os fondos consignados nos Orzamentos Xerais do Estado para que as electrointensivas poidan compensar os gastos da poxa de 2018. E, en terceiro lugar, instou ao Goberno a que estableza medidas de compensación, como as que ten previstas para compensar os custos indirectos de emisións CO² ou os incrementos da tarifa eléctrica polo fomento das enerxías renovables.
Neste momento, concluíu, “a sensación é de preocupación polo posicionamento de Alcoa e pola falta de propostas”, posto que desde a última reunión, lembrou, “non se produciu ningún tipo de plantexamento e precisamos avanzar para poder dar unha resposta concreta aos traballadores e traballadoras e garantir a actividade industrial”, que é o principal obxectivo da Xunta de Galicia. “Precisamos unha rectificación por parte da empresa e do Goberno”, aseverou.
Unha actividade organizada pola Asociación Cultural pensada para promocionar os produtos de proximidade e da artesáns, nun ambiente lúdico e festivo. Produtos de horta, conservas, mel, requeixo, plantas ornamentais ou bisuteria son algúns dos produtos que se podían encontrar no mercado, que contou tamén con outras actividades como bautismos hípicos. A Vicepresidencia da Deputación colaborou un ano máis na programación do mercado cun obradoiro de coiro e animación musical.
A Deputada de Muller e Igualdade, Marisol Morandeira, participou este sábado na inauguración, onde destacou o valor desta iniciativa que leva “máis de vinte anos unindo ás persoas arredor do coñecemento, da experiencia compartida e do orgullo polo rural”.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
Nesta edición, a programación céntrase na Idade Moderna en Galicia, combinando sesións teóricas no Real Seminario Conciliar de Santa Catalina con visitas guiadas por Mondoñedo e a súa comarca. O Concello destaca a excelente acollida desta iniciativa e anima a seguir promovendo actividades culturais deste nivel, posibles grazas ao compromiso da USC e ao apoio da Xunta de Galicia.
Categoría Infantil: 1º premio, Celia Blanco. 2º, Mara Blanco. 3º, Nuno Villares. Categoría Primaria: 1º premio, Laia Rodríguez. 2º, Paula Martínez. 3º, Jesús López e Samuel Riera (empate). Categoría Adultos: 1º premio, Unha receita para a felicidade, de Sonia Corral. 2º, O merodeador da néboa, de Manuel Fernández. 3º, Ou lobo ou o can, de Xolo. O Concello felicita a todas as persoas premiadas e agradece a participación de todas e todos os que fixeron deste certame unha auténtica celebración da lectura e da creación literaria.
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick.
