Burela, 14 de novembro de 2018.- O presidente da Xunta, Alberto Núñez Feijóo, subliñou que a fase da obra de ampliación do Hospital Público da Mariña permite aumentar 6.000 metros cadrados a súa superficie sobre os 17.600 xa existentes, un 33% máis.
Logo de lembrar que tras a ampliación da carteira de servizos o obxectivo era dotar este hospital público dunhas instalacións co espazos amplos e cómodos tanto para os pacientes como para os traballadores, Feijóo precisou que o investimento desta primeira fase chegará aos 10,5 millóns de euros, ademais dos dous millóns de euros destinados a equipamento.
“Durante a primeira quincena de decembro realizarase o traslado e as obras da seguinte fase iniciaranse antes de que remate o ano”, avanzou, subliñando que cando a segunda fase estea rematada e entregada, no verán de 2019, a capacidade de hospitalización se verá incrementada un 11,5%.
Durante unha visita ás novas instalacións, o responsable do Goberno galego aseverou que con esta primeira obra o hospital consegue mellores espazos asistenciais destinados á hospitalización das áreas cirúrxicas. Ademais da mellora no espazo do hospital de día onco-hematolóxico, que pasará de dispoñer 120 a 270 metros cadrados para albergar os 13 postos de tratamento.
“Haberá tamén unha nova zona de consultas externas onde estarán situados os 33 locais de consultas externas, dúas salas de endoscopias dixestivas, unha sala de técnicas cirúrxicas ambulatorias e un gabinete para cardioloxía. A nova área de oftalmoloxía conta con 10 locais con aparellaxe completamente renovado, moderno e con novas prestacións. E grazas a esta reforma a Farmacia estará dotada con modernos medios electrónicos para almacenamento e mellores instalacións para atender os pacientes”, explicou, ao que tempo que engadiu que o proxecto de ampliación inclúe a dotación dun novo aparcamento con 230 prazas en dúas plantas.
En relación á fase da obra pendente, resaltou que se remodelará a actual hospitalización das áreas cirúrxicas, a reforma de diálise e do hospital de día médico. E tamén se crearán novos locais de consultas externas e gabinetes de exploracións e reformarase toda a área administrativa.
O responsable autonómico afirmou que esta obra contribuirá a mellorar aínda máis a calidade do servizo deste hospital público. Un servizo que mellorou nos últimos anos. Non en van, a espera cirúrxica reduciuse á metade; e a de consultas externas pasou de 41 a 34 días de media.
Nesta mesma liña recordou que desde 2012 a carteira de servizos do hospital se incrementou de forma notable: con tres equipos HADO-Paliativos que xa atenderon, desde o inicio en 2014, 633 pacientes; coa unidade de retina de oftalmoloxía que evita desprazamentos a Lugo para recibir tratamentos mensuais; co hospital de día onco-hematolóxico, que permite, desde 2015, tratar os pacientes que antes tiñan que desprazarse a Lugo ou á Coruña, e que só en 2017 administrou 4.753 tratamentos.
O presidente da Xunta quixo destacar unha vez máis o labor das mulleres e homes que cada día traballan para facer mellor o Servizo Galego de Saúde, e cuxa profesionalidade fai posible que, segundo os últimos datos do barómetro sanitario referidos a 2017, os galegos outorguen á Sanidade pública da Comunidade a mellor nota desde que hai rexistros.
Fejóo concluíu resaltando que, se ben o hospital é un eixo de actuación prioritario para a Xunta na Mariña, non é o único obxectivo para a zona como pon de manifesto a nova escola infantil pública dos Castros ou a aposta polas infraestruturas como o novo acceso ao porto de Burela.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
O vendedor da ONCE Daniel José López Legaspi foi quen levou a sorte ao municipio desde o seu posto de venda situado na Praza Maior.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
