Foz, 22 de novembro de 2018. O alcalde de Foz, Javier Jorge Castiñeira, contactou con persoal da Dirección General de Carreteras, do Ministerio de Fomento, para solicitar que se axilice a construción de dúas microrrotondas na estrada Nacional 642 ao seu paso pola parroquia de Cangas. Para estas obras xa están feitos os proxectos.
O rexedor municipal explicou: “puxémonos en contacto con persoal da Dirección General de Carreteras interesándonos pola construción das dúas microrotondas en Cangas. Este asunto que foi levado no seu momento á Subdelegación do Goberno en Lugo, na que tivemos unha reunión cos técnicos de Carreteras e con veciños de Cangas. Naquel momento a Dirección General de Carreteras e a Subdelegación do Goberno comprometéronse a estudar a construción desas dúas microrrotondas para facilitar o acceso a núcleos de poboación de Cangas, que é unha das parroquias máis poboadas do concello, pois ten máis de mil habitantes, e as últimas decisións de Carreteras de crear liñas continuas en zonas onde antes había accesos prexudicou moitísimo á mobilidade dos veciños de Cangas. E tamén entendo que estas microrrotondas mellorarían moito a seguridade das actuacións que se fagan alí. Polo tanto entendemos que son necesarias”.
Javier Castiñeira engadiu que “polo que nos informan, os proxectos están feitos e a valoración destas dúas microrrotondas sería de arredor de 400.000 euros. Creo que é unha cantidade perfectamente asumible e o que nos din desde diferentes ámbitos políticos é que llo comunicarán ao director general de Carreteras para que active o antes posible todos os mecanismos para poder financiar esta obra”.
O alcalde de Foz considera que “o ideal sería poder facelas conxuntamente coas obras de reparación da estrada Nacional 642, que o Goberno anunciou que se ían facer despois do verán, pero a día de hoxe soamente están feitas as obras de emerxencia e están pendentes as de maior envergadura. Polo tanto poderíase axilizar a construción das dúas microrrotondas para poder facela coa reparación da Nacional 642”.
Polo tanto o rexedor focense está “contento por saber que o proxecto está activo, que hai que seguir dando pasos e pedimos á Dirección General de Carreteras que destine o antes posible orzamento para facer estas obras tan importantes para os veciños de Cangas”.
O Alcalde de Foz xestiona con arreteras do estado a construción de dúas microrrotondas en Cangas, para as que xa están feitos os proxectos
Relacionado
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
