Ribadeo, 29 de novembro de 2018. O Concello, a través da súa Delegación de Servizos Sociosanitarios, organiza unha xornada informativa que terá lugar este sábado, 1 de decembro, con motivo da conmemoración do Día Mundial da Loita contra o VIH-SIDA.
A actividade, incluída no programa de Prevención de Drogodependencias e outros trastornos aditivos, consistirá na instalación dun stand informativo na zona peonil de Ribadeo, na rúa Rodríguez Murias, en horario de 11:00 a 13:00 horas.
A concelleira de Servizos Sociosanitarios, Sonia Meilán, sinala que “todas aquelas persoas que queiran poderán achegarse para recibir información ou simplemente recoller folletos e material profiláctico”.
No stand estarán tres profesionais da asociación ASEDUC de A Coruña: a educadora social, Sandra Miraz Ramos, a educadora social e pedagoga, Viviana Varela Novo, e a alumna en prácticas de integración social Sabela Mariñas Martínez.
ÚLTIMA HORA
- Balseiro pedirá dende o Senado que o Goberno central cubra as prazas vacantes e reforce o persoal de Correos garantindo especialmente o servizo no rural da provincia
- Foz celebra o Día das Letras Galegas con actividades para todos os públicos
- O BNG denuncia o deterioro dos centros educativos de Burela e reclama investimentos
- Concursos, exhibicións e tradición na Feira de Gando Cabalar deste domingo en Lago, Xove
- A iniciativa 'Arruguiñas Charlando' celebra este sábado, 16 de maio, un novo encontro no local social da Asociación Terramar, na Casa do Mar de San Cibrao, ás 17:00 horas
Nesta ocasión participará Susana Vázquez Fernández, coach de saúde emocional e facilitadora en procesos de duelo e perda, que impartirá o faladoiro “Xestión do ánimo”, centrado en técnicas de relaxación, pensamento positivo e coidado da saúde mental para mellorar o benestar emocional. A actividade está aberta á veciñanza e busca crear un espazo para compartir, aprender e coidarse en comunidade. Conta co apoio e colaboración da Asociación de Xubilados Terramar. - Para celebrar o Día das Letras Galegas o Concello de Lourenzá organiza un espectáculo de maxia para público familiar
Será este xoves, día 14 de maio, ás 19:00 horas no salón de actos do Concello. O mago Pedro Bugarín presentará o seu espectáculo titulado Galicia con maxia. Para esta actividade o Concello de Lourenzá conta coa colaboración da Deputación de Lugo. - O Concello de Cervo felicita a Mateo Riera polo primeiro posto acadado no XVIII Trofeo Esponsor de Padrón, nunha carreira moi disputada que se resolveu ao sprint
O mozo ciclista continúa a demostrar o gran nivel desta tempada, na que suma xa un primeiro posto e un terceiro nas últimas probas das Escolas de Ciclismo da Federación Galega. Uns resultados que reflicten o seu esforzo, constancia e paixón polo deporte. O Concello tamén quixo poñer en valor o traballo do club Medela MTB, pola súa aposta pola formación e polo deporte base, acompañando aos máis novos no seu crecemento deportivo e persoal. Desde Cervo trasladan os parabéns a Mateo e á familia Medela, e destacan o orgullo polos éxitos e pola excelente tempada que están a realizar. - O director de Turismo de Galicia, Xosé Merelles, foi o encargado de ler este domingo o pregón da Romería Bispo Santo de Foz, nun acto litúrxico que tivo lugar na Basílica romana de San Martiño de Mondoñedo e que supón o inicio dunha nova edición dunha das celebracións máis tradicionais e multitudinarias da Mariña lucense
Durante a súa intervención, Xosé Merelles destacou a capacidade da romaría para conservar viva unha tradición transmitida de xeración en xeración e profundamente vinculada á identidade da comarca. Xosé Merelles puxo en valor o papel da Romaría do Bispo Santo como exemplo do turismo cultural e espiritual que promove Galicia, baseado na autenticidade, na conservación das tradicións e no patrimonio inmaterial. - Arredor de 400 persoas participaron este domingo no III Día da Veciñanza de Alfoz, unha xornada de convivencia que reuniu veciños e veciñas das diferentes parroquias nun ambiente festivo
O encontro incluíu sesión vermú amenizada polo Dúo The Poker e unha comida popular con empanada, embutido, croquetas, xamón cocido, tenreira asada e sobremesa. Pola tarde continuou a música e realizáronse sorteos de agasallos achegados polas asociacións colaboradoras. A iniciativa foi organizada pola Asociación O Castelo, en colaboración coas asociacións parroquiais e o Concello de Alfoz, que agradeceron a ampla participación. Durante a xornada tamén houbo un momento de lembranza para Jorge Val, exalcalde falecido hai un ano, destacando o apoio que brindou ás asociacións locais. - O deputado Daniel García achegouse este domingo ao mercado de produtos locais Aos pés de Cornería, en Vilaronte, no concello de Foz
Unha actividade organizada pola Asociación Cultural pensada para promocionar os produtos de proximidade e da artesáns, nun ambiente lúdico e festivo. Produtos de horta, conservas, mel, requeixo, plantas ornamentais ou bisuteria son algúns dos produtos que se podían encontrar no mercado, que contou tamén con outras actividades como bautismos hípicos. A Vicepresidencia da Deputación colaborou un ano máis na programación do mercado cun obradoiro de coiro e animación musical. - A Deputación reivindica en Xermade o valor da memoria e do rural na apertura das XXII Xornadas Interxeracionais de Cabreiros
A Deputada de Muller e Igualdade, Marisol Morandeira, participou este sábado na inauguración, onde destacou o valor desta iniciativa que leva “máis de vinte anos unindo ás persoas arredor do coñecemento, da experiencia compartida e do orgullo polo rural”.
2021 Crónica 3 A Mariña - Implementado por GaliciaDigital