Barreiros, 20 de novembro de 2018. “O material utilizado durante a temporada estival en Barreiros foi retirado das praias ao final do verán e abandonado a carón das instalación municipais sen ningún tipo de protección”, aseguran desde o BNG.
A portavoz municipal do BNG en Barreiros, Ana Ermida, esíxelle ao goberno municipal que se preocupe “do día a día do Concello e que xa que non fan ningún investimento decente, polo menos, que coide o material municipal e deixe de causar máis deterioro económico nas arcas públicas.”
Ana Ermida asegura que tres meses despois de finalizada a tempada estival, o material utilizado nas praias está tirado a carón das instalacións municipais, sen ningún tipo de protección e medrándolles as herbas por riba.
“Sillas de socorrismo, lonas das casetas de salvamento, contenedores de recollida do lixo nas praias e mesmo as sinais están tiradas no chan, sen protección de ningún tipo e soportando as consecuencias de levar meses á intemperie, cando parte do material é de madeira, plástico ou lona e, polo tanto, vai sufrir o deterioro producido por estar abandonados durante meses”, afirman desde o BNG.
“Isto é unha mostra máis da despreocupación, o abandono e despilfarro dos cartos municipais, xa que se deixa podrecer o material que ten que volver usarse o verán que vén e se non está en condicións haberá que compralo novo, con un importante custo económico, xa que se trata de material de miles de euros”, asegura a portavoz municipal.
A formación nacionalista lamenta que Barreiros estea sufrindo “o peor goberno da súa historia, con un alcalde e un equipo de goberno que non se preocupan dos problemas municipais e que só atenden aos seus propios intereses, caendo incluso no abandono máis evidente dos recursos municipais”, conclúen.
Tres meses despois de finalizada a tempada de verán, o material das praias de Barreiros abandonado á intemperie, denuncia o BNG
Relacionado
-
O PSdeG defenderá no Pleno da Deputación un novo modelo contra os incendios forestais e máis recursos para o ensino público
-
A Xunta activa reforzos de transporte na Mariña lucense ante a elevada afluencia prevista pola eclipse
-
O PP leva ao Senado o recorte do horario de atención ao público nos cuarteis da Garda Civil da provincia
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
