Lugo, 5 de febreiro de 2019. A Deputada de Promoción Económica e Social, Sonsoles López Izquierdo, e a Concelleira de Benestar Social, Ana González Abelleira, mantiveron un encontro, este martes, con usuarios da asociación ALUME Saúde Mental. Fixérono para coñecer, de primeira man, os resultados da colaboración que manteñen o Executivo Provincial e Municipal con este colectivo que atende a unha media de 68 usuarios á semana de entre 18 e 60 anos de idade. O Goberno da Deputación achega 32.000 euros a esta asociación para sufragar os custes dun obradoiro de formación prelaboral e un programa de atención a persoas no rural lugués. Ademais, a través do Tecendo Emprego, ALUME poderá contratar durante un ano a un educador social.
López Izquierdo sinalou que “colaboramos con ALUME, ano tras ano para garantir medidas que traten de mellorar a calidade de vida das persoas que sofren algún tipo de enfermidade mental. Xunto co Concello de Lugo, mantemos un firme compromiso polo benestar de todos os veciños, demostrando que somos dúas institucións sumamente sociais”.
Da achega total do Executivo Provincial, 11.000 euros son para levar a cabo o obradoiro de formación prelaboral. A través desta iniciativa os usuarios deste colectivo, toman contacto e aprenden actitudes relacionadas con conductas básicas necesarias para desenvolverse adecuadamente nun posto de traballo mediante talleres de cerámica, coiro, pintura en tela… Neste senso, afianzan comportamentos como a implicación e aprendizaxe de horarios, o compromiso de empezar e rematar unha tarefa, a asunción de responsabilidades, coñecer habilidades laborais ou aprender normas básicas para traballar de cara ao público, entre outros.
Ademais das actividades enmarcadas no obradoiro de formación prelaboral, ALUME leva a cabo atención individualizada para os usuarios deste colectivo que sofren enfermidades mentais crónicas. Ofrece, polo tanto, información e coñecemento das patoloxías que padece cada usuario, e traballan no seu tratamento. Nesta mesma liña, tratan de rehabilitar aspectos cognitivos, sociais, de coordinación psicomotriz ou de reincorporación social, a través de talleres moi diversos: de vida saudable, cociña, deporte ou xardinería, entre outros.
Programa de atención no rural
O Goberno da Deputación tamén colabora coa asociación cunha achega de 21.000 euros para atender a persoas no rural. A través desta iniciativa, tratarase a como mínimo 8 usuarios que viven en zonas illadas e rurais (Piornedo, Láncara ou Navia de Suarna, entre outros), levándolles atención necesaria a domicilio unha vez por semana.
Deste xeito, as persoas que non poden desprazarse e padecen trastornos mentais graves, recibirán rehabilitación no fogar coa axuda de dous técnicos. Na maioría dos casos, estes usuarios viven sos ou con persoas tamén dependentes, polo tanto, traballarán na súa casa, habilidades cognitivas, coñecemento básicos das medicacións que teñen que tomar ou aspectos sociais, como a xestión dunha axuda.
Tecendo Emprego
ALUME é unha das 41 asociacións beneficiadas do Tecendo Emprego, o plan laboral da Deputación que busca favorecer a contratación de veciños con maiores dificultades para atopar traballo. Deste xeito, o colectivo poderá contratar durante un ano a un educador social, cuxos custes asume a Deputación. A esta oferta de emprego poderanse presentar mozos recen titulados de ata 35 anos que non tiveran experiencia laboral neste ámbito. O prazo de inscrición está aberto ata o día 15 de febreiro e as persoas interesadas en optar a este posto, poden formalizar a súa inscrición a través da Axencia de Colocación da Deputación.
ALUME
Este colectivo social creouse no ano 1995 por familiares de persoas con enfermidades mentais e profesionais da Saúde Mental de Lugo. Presta atención a 68 usuarios por semana, ofrecendo actividades e información de todo tipo. O seu principal obxectivo é o de sensibilizar a sociedade sobre os problemas e as necesidades deste colectivo, así como das súas familias. Nesta liña, realiza un arduo traballo de concienciación sobre as enfermidades mentais e as súas consecuencias, así como pon en contacto a usuarios que padecen trastornos semellantes.
A área de Deportes reforzará o seu respaldo ao club cunha subvención excepcional ligada á presenza neste torneo estatal. O vicepresidente Efrén Castro visitou este mércores o equipo en Castro Ribeiras de Lea para trasladarlles ánimo e destacar a importancia de competir a este nivel para dar visibilidade ao deporte feminino e avanzar na igualdade. Ademais deste apoio puntual, a Deputación financia de maneira estable a actividade do club cunha subvención nominativa de 70.000 euros, a principal achega institucional ao seu funcionamento.
A función está dirixida ao público adulto e a entrada será de balde, ata completar aforo. O evento conta coa colaboración do Concello. Unha nova oportunidade para gozar do teatro local e apoiar o traballo das compañías da comarca.
Sinopse: Cando chega a noite e nós durmimos, a Lúa asoma polas fiestras e goza dos nosos soños. Así descobre historias máxicas, tolas e divertidas. Os seus soños favoritos son os de Calcetín, un personaxe amante da lectura e cunha imaxinación desbordante. Viaxa entre estrelas, pilota un zapato que percorre os mares ou chega ao mundo do revés. Unha proposta chea de fantasía e creatividade para fomentar o gusto pola lectura entre os máis pequenos.
Na presentación participaron o delegado territorial da Xunta, Javier Arias; o Deputado de Cooperación e Asistencia aos Concellos, Xosé María Arias e o deputado de Rural Daniel García, que puxeron en valor a tradición e o traballo das filloeiras. A organización prevé poñer á venda 18.000 filloas, incluíndo opcións sen glute, e o recinto feiral acollerá artesanía, música, obradoiros e a entrega dos premios do concurso escolar. O xornalista David Valverde Cabaleiro será o pregoeiro. A Vicepresidencia da Deputación colabora coa actuación de Nubeiro e cunha degustación de xamón de porco celta a través do programa Un Gusto de Rural. Arredor de 150 persoas participarán na organización ao longo da xornada.
A reorganización dos espazos —stands na Praza do Casino e presentacións no Cine Fantasio— foi clave para o éxito. A concelleira de Cultura, Patricia Rodríguez, destacou a boa acollida e a resposta do público, valorando moi positivamente o novo formato.
Estivo organizada polo Motoclub Os de Sempre, que reuniu este fin de semana a centos de participantes chegados de Galicia, Asturias, León e o Bierzo. O programa incluíu unha ruta nocturna en homenaxe aos moteros falecidos, ademais de momentos de convivencia en comidas e actuacións musicais dos grupos Primera Línea e Malditos Pendejos. Na entrega de trofeos participaron o alcalde de Ortigueira, Valentín Calvín, e a concelleira Isabel Rego.
Destacou o seu valor como punto de encontro e motor económico e cultural da comarca. Arias puxo en valor o labor do Concello por manter eventos de referencia como a Moexmu, esta feira e a próxima Festa da Filloa, que contribúen a promover o sector agrogandeiro e a tradición galega.
