Compostela 13-6-19. A orientadora laboral que atende estes concellos, Raquel Grandío, realiza preto de 11.200 quilómetros ao ano nos desprazamentos que realiza para atender as zonas rurais.
O Servizo de Orientación e Intermediación Laboral (SIL) que ten COGAMI habilitado para atender ás persoas con discapacidade que buscan emprego está situado nas instalacións que a Confederación Galega de Persoas con Discapacidade ten nas sete cidades galegas. Sen embargo, moitas das persoas que demandan este servizo viven en zonas rurais por iso, co fin de facerlles unha atención máis doada, durante dous días á semana un profesional desprázase ata estas zonas.
Raquel Grandío é unha das orientadoras laborais que ten COGAMI nas instalacións de Lugo e que se despraza ata concellos que forman parte das comarcas de Terra Cha e Muras. Son arredor de 12.200 quilómetros anuais os que percorre Raquel Grandío para coñecer as necesidades das persoas usuarias dos concellos da súa zona de actuación. Estes desprazamentos que realiza o servizo de orientación laboral pretenden achegar o servizo ao entorno rural e evitar que sexan as persoas usuarias as que se teñan que desprazar ata as cidades, dadas as dificultades de desprazamento que existen nas zonas rurais, con núcleos de poboación dispersa, falta de transporte público e, no caso de habelo, non é adaptado.
É dende o ano 2000 que o SIL ten operativo este servizo de atención itinerante no medio rural. Mediante contacto telefónico ou vía correo electrónico, a orientadora concreta unha cita presencial coa persoa usuaria do servizo de emprego e formación, onde actualizará o seu curriculum, os datos persoais e tamén lle preguntará polas inquedanzas e preferencias para desenvolver un posto de traballo.
As persoas que contactan por primeira vez co servizo fano tras ser informadas por persoas coñecidas que xa están inscritas na bolsa de emprego de COGAMI ou tamén porque son informadas da súa existencia a través dos servizos municipais de Orientación Laboral ou de Traballo Social. Existe un contacto fluído con estes servizos da administración local e COGAMI, polo que cada vez que lles pide atención unha persoa con discapacidade, os profesionais destes servizos encárganse de derivalas a COGAMI. Precisamente, moitos dos puntos de atención na zona rural son nas instalacións municipais que ceden os concellos, ademais de centros sociocomunitarios da Xunta.
Nas comarcas de Terra Cha e A Mariña están apuntadas na bolsa de emprego que manexa COGAMI un total de 602 persoas, como reflicte o seguinte recadro:
A Fonsagrada
11
Baleira
4
Alfoz
8
Burela
51
Foz
47
Lourenzá
3
Mondoñedo
14
O Valadouro
9
Cervo
21
Ourol
2
O Vicedo
6
Viveiro
119
Xove
19
Barreiros
17
A Pontenova
12
Ribadeo
66
Trabada
7
Meira
9
Pol
14
Ribeira de Piquín
1
Riotorto
3
Abadín
9
Begonte
22
Castro de Rei
21
Cospeito
26
Guitiriz
32
Muras
1
A Pastoriza
8
Vilalba
104
Xermade
10
TOTAL: 676
Destas persoas integrantes na base de datos, durante o ano 2019, a orientadora laboral Raquel Grandío realizou un total de 120 orientacións destacando que, destas, 16 foron entrevistas a persoas que contactaron por vez primeira co servizo.
En canto aos perfís predominantes, resalta Raquel Grandío que na zona da Mariña adoitan ter un certificado de incapacidade para profesións relacionadas co mar, polo que é preciso a súa reciclaxe para volver ao mercado laboral. Tamén os perfís adoitan ser de baixa cualificación pero con boas habilidades comunicativas que poden desenvolverse en postos de cara ao público sen exixencia física.
Unha das funcións que ten o servizo de orientación laboral é manter o contacto fluído coas empresas da zona para sensibilizar e informar sobre os perfís de persoas que contén a base de datos. No que vai de ano, foron 23 as empresas visitadas das que 5 foron contactadas por vez primeira.
Segundo datos que manexa esta área, durante este ano foron 39 as persoas inseridas laboralmente nestas dúas comarcas, das que 5 lograron atopar traballo despois de finalizar un curso de informática básica que se impartiu en Vilalba.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
