Ourol, 5 de agosto de 2019.- A Xunta de Galicia pon a disposición da familia de Ourol que perdeu a súa casa nun incendio a posibilidade de acceder a unha vivenda social ou ben a un bono alugueiro, así como información sobre as liñas de axuda que xestiona a Consellería de Medio Ambiente, Territorio e Vivenda para a rehabilitación edificatoria.
O delegado territorial da Xunta en Lugo, José Manuel Balseiro, comunicou estas alternativas ao alcalde do municipio, José Luís Pajón, quen se comprometeu a trasladarllas aos afectados.
O Instituto Galego da Vivenda e Solo (IGVS) ofrécelles a posibilidade de ocupar unha vivenda de promoción pública en Viveiro, o municipio máis próximo ao seu domicilio -situado na parroquia de San Pantaleón de Cabanas- onde conta con vivendas sociais.
Tamén cabe a opción de acollerse ao bono alugueiro, polo que recibirían unha achega mensual para contribuír a sufragar os gastos de alugamento da vivenda da súa elección, o que abriría a posibilidade de permanecer no municipio de Ourol.
Ademais, como complemento a calquera destas vías, a familia pode acceder ás axudas para a rehabilitación que tramita o IGVS. Neste momento, e ata finais de mes, está aberto o prazo para solicitar as subvencións dos programas de fomento de mellora da eficacia enerxética e sustentabilidade e de fomento da conservación, da mellora da seguridade de utilización e da accesibilidade en vivendas do Plan estatal de vivenda 2018-2021. Esta liña de axudas establece un apartado concreto para obras na cimentación, estrutura e instalacións e adecuación interior.
Igualmente, poden solicitarse as axudas financeiras do programa de préstamos cualificados para a rehabilitación de edificios e vivendas, aberto inicialmente ata o 15 de outubro do 2019.
O IGVS informará destas e outras convocatorias que se irán resolvendo nos vindeiros meses e que poidan axustarse ás necesidades da familia afectada.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
