Viveiro, 23, outubro, 2019. Os concelleiros do grupo municipal do PP de Viveiro criticaron esta mañá, en rolda de prensa, a decisión do goberno local de acollerse a opción ofrecida polo Ministerio de Hacienda para modificar o plan de viabilidade aprobado no seu día para facer fronte a endebedamento financeiro do Concello. O cambio supón ampliar nun ano, ata o 2027, a liquidación da débeda cos bancos. O portavoz municipal, Óscar Rodríguez, dixo, aludindo a unha afirmación do tenente de alcalde no último pleno, que aceptar esta solución é acollerse «a un flotador para tirarse a unha piscina baleira». En función deste acordo, o Concello de Viveiro seguirá un ano máis con limitacións para levar a cabo as políticas que necesitan os veciños. A débeda total do Concello ascende a 11 millóns, dos que case 8 corresponden aos bancos.
Óscar Rodríguez compareceu diante dos medios de comunicación arroupado por todos os demais membros do grupo popular. Comezou por cualificar de inentendible o último pleno da corporación local de Viveiro. Por varios motivos. O primeiro deles, a hora á que foi convocado, as 14.00 horas. Como era previsible, a esa hora non houbo público; Rodríguez considera que é unha demostración do pouco interese que ten o goberno municipal, presidido por María Loureiro, na transparencia do debate e das decisión municipais. Por outra parte, porque no é entendible, dixo Óscar Rodríguez, que se aprobe o que representa un cambio importante no plan de viabilidade económico aprobado no seu día para facer fronte ao endebedamento municipal, un cambio que prolonga un ano máis un problema que afecta moi seriamente á xestión municipal.
Rodríguez explica que co plan de viabilidade que estaba en vigor, para saldar a débeda de case oito millóns cos bancos, a liquidación do endebedamento acabaría no ano 2026. A proposta de Hacienda supón un ano máis de carencia e, ao mesmo tempo, se prorroga tamén un ano máis o prazo para a amortización. Unha das consecuencias é que outro ano de pago de intereses suporá máis de 100.000 euros. A maiores, agora o Concello ten a débeda repartida en sete bancos e terá que centralizala nun só, aspecto este que ao PP non lle parece especialmente relevante.
Para o voceiro municipal do PP de Viveiro, «este acordo demostra que o goberno confía moi pouco no plan de viabilidade». Rodríguez non comprende por que a alcaldesa e o seu equipo «deciden deixar ao Concello endebedado un ano máis; non nos parece de recibo». Igualmente, dixo: «Foron capaces de dicir que este cambio vai ser un flotador para o Concello; pois será, digo eu, un flotador para tirarse a unha piscina sen auga». Ao igual que o PP, tamén votou en contra Por Viveiro, e abstivéronse o BNG e Son Viveiro.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
