Ribadeo, 22 de xullo de 2026. O delegado territorial da Xunta en Lugo, Alfonso Villares, visitou esta tarde aos participantes na segunda edición do Campus Internacional de Baloncesto Sublime que se está a desenvolver en Ribadeo desde o pasado domingo. A Administración autonómica colabora un ano máis con esta iniciativa impulsada polo ex xogador profesional lucense Pablo Ferreiro e polo campión da NBA Payton Pritchard.
O campus reúne nesta edición a 60 mozos e mozas, de entre 12 e 19 anos, procedentes de distintos puntos de Galicia, do resto de España e tamén de países como Suíza ou Estados Unidos. Once deles pertencen ao Club Baloncesto Ría de Ribadeo.
Trátase dun campus de tecnificación dirixido a xogadores con experiencia previa, que teñen a oportunidade de perfeccionar o seu xogo a través dun programa específico de adestramentos impartido por un equipo internacional de profesionais, que combina metodoloxías do baloncesto europeo e americano, un aspecto que define o carácter único e diferenciador desta proposta. Así, as sesións están codirixidas por dous técnicos de referencia: o europeo Josep Raventós e o estadounidense Casey Trujeque.
A programación deportiva do campus -que se desenvolve en dous pavillóns do concello de Ribadeo- complétase con actividades de convivencia e lecer, entre as que figuran visitas ao Camiño Norte ou a distintos enclaves de Ribadeo e da súa contorna.
Durante a visita, Alfonso Villares intercambiou impresións cos participantes e puxo en valor este proxecto como “unha excelente oportunidade para que mozos e mozas de diferentes procedencias compartan experiencias e continúen a súa formación deportiva da man de profesionais de primeiro nivel”. Así mesmo, destacou o compromiso da Xunta co apoio a iniciativas “que contribúen a dinamizar os nosos concellos, promover hábitos de vida saudables entre a mocidade e proxectar a imaxe da provincia a través do deporte”.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
No acto tamén estivo o presidente de ACRUGA, César Dorado Pin, e outras autoridades. López destacou a importancia do certame e entregou os trofeos. A Granxa Gayoso Castro, situada en Castro de Rei, é un referente provincial pola súa labor de formación, investigación e apoio á recría de Rubia Galega en colaboración coa USC e ACRUGA.
A sesión incluirá a proxección da peza, de 27 minutos de duración, e un coloquio con Ugía Pedreira sobre música, saúde e outros temas. A obra forma parte da selección oficial do Barcelona Indie Filmmakers Festival (BARCIF) 2025 e a actividade está promovida por A Pomba do Arco.
O evento comezou cunha misa na igrexa parroquial de Santa María de Meira e a continuación, tivo lugar o tradicional xantar no Pavillón dos Deportes e o recoñecemento ao home e á muller de maior idade do municipio. Nesta xornada de convivencia, Fernández Méndez puxo en valor a contribución das persoas maiores á sociedade e enxalzou o seu papel activo no municipio, “é unha satisfacción compartir este día coas nosas persoas maiores, que tanto teñen achegado á sociedade e que merecen espazos de encontro e celebración como este”.
