Lugo, 24 de xaneirode 2020. O Presidente da Deputación, José Tomé, e a Deputada de Promoción do Territorio e Turismo, Pilar García Porto, mantiveron unha intensa axenda de reunións e actividades ao longo das tres xornadas ás que asistiron da Feira Internacional de Turismo (FITUR) con tres obxectivos fundamentais: a promoción da provincia a través da innovación dixital coa presentación de dúas novas apps móbiles, o establecemento de contactos con profesionais do sector para acadar maior visibilidade e a detección de tendencias dos viaxeiros e novas oportunidades.
De feito, tal e como avanzou García Porto, a Deputación está xa estudando como mellorar a eficacia da promoción turística da provincia en FITUR 2021. “Foron tres xornadas moi positivas de intenso traballo no escaparate de turismo máis importante do mundo, en base ás que xa estamos a preparar a promoción de cara ao ano que vén”, subliñou a Deputada.
Este venres, José Tomé e Pilar García Porto participaron nas presentacións institucionais da Semana Santa de Galicia e na da comunidade autónoma, ademais de continuar con reunións profesionais e contactos con outros participantes.
Así mesmo, o Presidente da Deputación tivo ocasión de saudar en FITUR ao Presidente do Goberno, Pedro Sánchez, a quen felicitou pola súa investidura e co que mantivo un intercambio de opinións sobre a situación e os retos fundamentais da provincia, no que quedou claro o compromiso do novo Executivo central co seu impulso.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
