Santiago de Compostela, 8 de Abril 2020. Das múltiples derivadas da crise do coronavirus o BNG pon hoxe o foco no incremento exponencial do prezo de produtos sanitarios básicos no combate contra a pandemia, que atribúe á especulación e á incapacidade de garantir o auto-abastecemento de material como guantes, máscaras ou líquidos desinfectantes, que teñen multiplicado até por catro o seu custe. Por iso, o Bloque pide que se interveña o prezo destes produtos, potestade que se recolle no propio RD do estado de alarma.
“Preocúpanos o desorbitado incremento de prezos nalgúns produtos farmacéuticos de utilidade contra o coronavirus como máscaras, guantes, alcohol ou hidroxeles, artigos que se converteron en bens de primeira necesidade pero que son obxecto de especulación por parte de empresas que queren sacar tallada da crise”, denuncia Pontón. Por exemplo, produtos como o xel antiséptico con prezos que oscilaban entre os 2 e 6 € alcanza os 25€, a caixa de máscara filtrante de 5 unidades de 8 € a 26 € e o litro de alcol, de 2,25 a 9 €.
Unha situación “inadmisible”, xa denunciada dende os colexios farmacéuticos, polo que o Bloque reclama ao Goberno central “que interveña os prezos destes produtos tanto en orixe como na venda ao consumidor para evitar o incremento abusivo e que o prezo sexa unha barreira para a súa adquisición pois estamos falando da saúde da poboación”, argumentou a líder nacionalista.
Pero a subida de prezos tamén está potenciada polo desabastecemento destes produtos que obriga a ir ao mercado internacional, unha consecuencia da deslocalización contra á que o BNG propón crear unha empresa pública galega que teña como fin a produción e abastecemento deste tipo de produtos.
“A deslocalización da produción acaba por ser un grave problema en crises como esta e para non repetir a situación no futuro propoñemos poñer en marcha unha estratexia para crear empresas que produzan material sanitario como respiradores, guantes, batas, gafas, rachando coa dependencia do mercado internacional. E, ao mesmo tempo, completar o mercado privado cunha empresa pública que teña como finalidade producir material sanitario”, explicou. Igualmente, pediu que se “monotoricen” os prezos doutros produtos, por exemplo na alimentación e os combustible, estes últimos con descensos importantes que non se trasladan ás gasolineiras.
A situación das residencias da terceira idade segue a ser un tema da máxima urxencia, polo que o BNG demanda a comparecencia urxente do xefe do Executivo no Parlamento ao tempo que reclama unha investigación interna por parte da Consellería de Política Social e avanza que a formación nacionalista vai solicitar que se cree unha comisión parlamentaria de investigación unha vez recuperada a normalidade.
“Por respecto ás persoas maiores, as súas familias e para evitar no futuro situacións tan graves como as que vemos nalgunhas residencias onde máis do 90% dos e das usuarias están contaxiadas, o que implique que non se adoptaron as medidas preventivas necesarias. Neste contexto, sorprende que non haxa ningunha sanción a ningunha das empresas nas que se teñen producido estes casos, polo que agardamos que a Xunta non estea protexendo aos donos desas empresas en lugar de estar protexendo a saúde das persoas maiores”, argumentou.
Anticipación, transparencia e plan de choque
Tras facer un especial recoñecemento ao persoal das residencias, Pontón volveu esixir “anticipación” ao Goberno “porque segue a cadea de contaxios neses centros”, e reiterou a batería de propostas do BNG, empezando por un plan de choque que inclúe a intervención de todas as residencias privadas; acelerar as probas para detectar focos de coronavirus; garantir material de protección para o persoal; transparencia total no cómputo de contaxiados e persoas falecidas, e información ás familias ás que se lles debe permitir facerse cargo dos seus maiores se contan coas condicións para salvagardar a súa saúde, sen que ese traslado puntual implique perder a praza no centro.
Pontón foi especialmente crítica coa situación dalgunhas residencias privadas afectadas por un contaxio masivo, como é o caso dos centros de Domus Vida e da Fundación San Rosendo e insistiu na urxencia de tomar medidas tanto nos centros de maiores como tamén nos centros que atenden a persoas con discapacidade.
Colaboración vs confrontación
Preguntada pola polémica en relación á eficacia dos test rápidos, Pontón pregúntase se o Goberno do Estado pactou cos gobernos autonómicos este tipo de probas e desde cando coñece a Xunta que tipo de test iba recibir. En todo caso considerou “irresponsable” poñer en cuestión estas probas, “que teñen a utilidade de detectar contaxios e parécenos que a Xunta debería actuar con mesura e non alarmar á poboación”. A dirixente do Bloque, confesou “ter a sensación de que se está usando este asunto de xeito partidista por parte da Xunta e do PP. Hai que fuxir de todo partidismo nun momento tan duro e tan difícil e, máis aló dos erros do Goberno do Estado e de Galiza, que os houbo, é o momento da colaboración”, concluíu.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
