Burela, a 2 de abril de 2020.- O Grupo Municipal Popular entende que ante unha situación de alarma como a que se está a vivir, en ocasións, a improvisación por parte das entidades locais é inevitable. Pero o que está a suceder no Concello de Burela, con Llano como máximo responsable, “é sumamente preocupante”.
E é que “non só se pode percibir unha total falta de dilixencia na toma de medidas. Un exemplo, as propostas feitas hai máis de dúas semanas por parte do PP de Burela e que xa están a funcionar moi ben noutros Concellos, e que na nosa vila nin sequera son dignas dun estudo por parte do goberno municipal. Todas elas medidas de índole sanitario, social e económico que tentan mitigar os efectos desta grave crise, sendo solicitada tamén a súa avaliación por parte dos representantes doutra das formacións políticas da corporación municipal”, precisan dende o Grupo Municipal do PP.
A última “fazaña” do actual alcalde, explican, é a anulación da reunión que se tiña que levar a cabo esta semana da comisión de seguimento local do Covid-19. “Isto parécenos aconsellable, máxime tendo en conta o último RD. O que non é de recibo é que non se tivera a previsión de artellar unha alternativa por parte do equipo de goberno local para seguir coa mesma, tal e como si se fixo noutros Concellos da nosa contorna”, sinalan.
En consonancia con isto, dende o Grupo Municipal Popular, tamén están preocupados pola escasa transparencia que está a ter Llano e o seu equipo de goberno. A principios da semana pasada solicitaron por escrito que se lles trasladasen unha serie de documentos e informes aos cales se fixeron referencia nas reunións precedentes da comisión de seguimento.
A día de hoxe, a formación popular non recibiu ningún tipo de resposta. Descoñecen se é porque dita documentación non existe, porque se trata de ocultala por algún motivo ou ben porque o caos nas dependencias municipais é tal que o alcalde é incapaz de dar resposta.
“Sexa cal fora o motivo, o certo é que os representantes municipais dos veciños de Burela non contan coa información requirida, que se ateñan, tanto o alcalde Llano como as concellerías municipais implicadas, ás responsabilidades derivadas deste tipo de accións”, insisten.
Máis anuncios sen contido por parte de Llano
Por outra banda, estes días pódese ler na prensa unha serie de anuncios por parte de Llano, todos eles sen ningún tipo de concreción, relativos a incrementar o fondo na contía que faga falla para fins sociais, sacando dito orzamento do Plan Único da Deputación.
“O señor alcalde obvia intencionadamente que os fondos para obras sociais xa se podían destinar con anterioridade ao estado de alarma actual. De feito o PP xa en diversos exercicios lle reclamou iso, que destinara a máxima contía que permitía o Plan para estes fins. E fálase de máxima contía porque non todo, a menos que se modifique o regulamento que o rexe, se pode destinar a tal fin. No pasado non quixo escoitar os requirimentos do PP, esperemos que polo ben de tódolos veciños e veciñas de Burela, esta vez si”, conclúen.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
