Foz, 8 de maio de 2020
Excelentísimo Sr. Presidente da Xunta de Galicia.
Escríbolle esta carta como alcalde-presidente do Concello de Foz, municipio situado no centro da franxa costeira da provincia de Lugo. Foz é o segundo concello por poboación da comarca da Mariña, con 9980 habitantes no padrón municipal a 1 de xaneiro de 2020.
Estamos todos xuntos a loitar contra un inimigo común como é o virus COVID-19, que produciu un número inasumible de falecidos e sobre o que debemos ter a maior das cautelas, especialmente no proceso de “desescalada” que estamos a comezar. Os expertos sanitarios advirten sobre un probable repunte ou novo brote de contaxios, o cal tensionaría de novo o sistema público de saúde que ao noso entender non ten a dimensión suficiente para unha pandemia destas características.
Foz é un concello eminentemente turístico, cunha poboación en época de verán que chega aos 30.000 habitantes. É nesta estación, especialmente nos meses de xullo e agosto, cando o Concello ten que estar preparado para recibir a todos os seus habitantes de tempada, con un incremento de persoal asociado a servizos básicos como é a recollida de lixo, a limpeza viaria e de praias e outros moitos.
Certamente, a estacionalidade é un factor complicado de xestionar, pero coa actual crise sanitaria provocada polo virus COVID-19 a organización tórnase máis difícil ca nunca.
Quero trasladarlle como alcalde a miña fonda preocupación sobre o tradicional dimensionamento dos servizos sanitarios en verán e preguntarlle sobre o plan organizativo da Consellería de Sanidade da Xunta de Galicia neste contexto de crise sanitaria. É endémica a falta de persoal no noso centro de saúde –con un servizo de pediatría que non se cobre a xornada completa- e que se pode converter nun auténtico colapso se atendemos ao aumento de poboación, sumado á cantidade de patoloxías comúns da poboación censada que non se atenderon ou se avaliaron por vía telefónica durante o período de confinamento, como no caso dos fisioterapeutas. O reforzo habitual dun médico para desprazados é claramente insuficiente, tendo en conta que non se cobren as baixas por vacacións do persoal do centro, e os protocolos a aplicar para evitar contaxios condicionarán o servizo. Tamén nos preocupa moito a capacidade e número de camas en planta e UCI do Hospital da Costa, o noso centro hospitalario de referencia e que pese á reforma do edificio non foi dotado de material e persoal humano para atender unha poboación que en verán pode superar os 200.000 habitantes. Non sería entendible nin xustificable que en lugar de incrementar o número de camas para atender a un maior número de poboación, se reducise como anos anteriores.
Rogo teña estas consideracións en conta e dote ao Centro de Saúde de Foz e ao Hospital da Costa dos medios humanos e materiais necesarios para atender o gran incremento de poboación previsto. A saúde debe ser a nosa gran preocupación, teña a absoluta certeza de que colaboraremos lealmente en todo aquilo que sexa necesario para lograr vencer ao virus do COVID-19.
Sen outro particular, despídese. Atentamente.
Francisco Cajoto Caserío.
Alcalde-Presidente do Concello de Foz.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
