Supón vostede, Sr. Rodríguez Barrera, que fun eu o autor da nota de prensa que desde o equipo de goberno municipal de Lourenzá se enviou aos medios como resposta á súa en relación co último Pleno da Corporación. A realidade é que son un dos seis asinantes desa nota e que a asumo na súa totalidade.
A realidade é que vostede asina un escrito de contestación. Eu supoño que o autor non foi vostede. O que non sei é se a comparte na súa totalidade.
Supón vostede que foi insultado polo noso grupo chamándolle ignorante. A realidade é que nese escrito aparece a palabra ignorancia co significado de descoñecemento. Polo tanto, pode que sexa unha apreciación incorrecta, pero nunca un insulto. Sentímolo se vostede o tomou nese sentido.
É vostede, Sr. Rodríguez, o que me acusa a min de mentir coas cifras. A realidade é que é vostede o que intenta confundir coa maneira de expoñer os datos. Dá a entender no escrito que os gastos son todos derivados da Festa da Faba, pero na resposta á nosa contestación xa fala vostede da Festa da Faba, doutros festexos e incluso do apartado de deportes. Non sei a que outros festexos se refire vostede. Supoño que serán gastos en actividades culturais, nas que penso que non están de máis todos os investimentos que se fagan. Di vostede que se poden facer con menos orzamento e máis imaxinación. Supoño que se referirá ás actividades que realizaban vostedes, como convocar ás veciñas do concello a “Café e calceta” para celebrar o Día da Muller. Claro, o gasto era mínimo, só o café, porque incluso se lles pedía que levaran o labor da casa.
Pretende atacarme falando do traballo realizado polos alcaldes populares en relación á Festa da Faba. A realidade é que é de agradecer e que o valoramos positivamente. Sen dubida foi unha gran idea a creación desta festa e moi importante o labor desenvolvido durante tantos anos para que na actualidade sexa unha cita obrigada nas festas gastronómicas, a pesar de que na última lexislatura popular perdera bastante pulo e estaba esmorecendo. O que supoño é que algún deses alcaldes non estará moi contento ao ser sinalado por vostede, cando, entre outras cousas, o acusaron de ser o culpable de perderen a alcaldía. É curioso, por certo, que falen dos seus éxitos, cando renegan deles sempre que se critica pola nosa parte algunha actuación política do pasado, dicindo que vostedes non estaban.
Non entendo esa preocupación que ten vostede coa privatización dos servizos municipais, cando foron vostedes os que se encargaron de privatizar no seu momento o Centro de Día, o servizo de recollida do lixo e o servizo de abastecemento de auga e saneamento. Se vostede non está de acordo e quere que estes servizos volvan a dominio público non ten máis que propoñelo nun próximo Pleno municipal.
E para rematar, non entendo, Sr. Rodríguez Barrera, porque se ofende tanto cando falamos da extrema dereita. Avergónzase vostede dos pactos do seu partido con grupos ultra para gobernar algunhas Comunidades Autónomas e moitos municipios? Eu supoño que será iso. A realidade é que vostede non me pega con esa ideoloxía, pero podo estar equivocado.
Un saúdo.
Manuel Arango Ron é portavoz do equipo de goberno de Lourenzá
A interrupción do servizo está prevista entre as 8.00 e as 19.00 horas con motivo dos traballos de conexión á nova obra de saneamento que se está a executar na contorna. Trátase dunha intervención necesaria para avanzar na mellora das infraestruturas e dos servizos básicos na zona.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
