Foto de arquivo
Ribadeo, 26 de novembro de 2020. O Concello, a través da Área de Economía, Desenvolvemento Local e Turismo, poñerá en marcha un novo obradoiro de emprego, que dará comezo en decembro e terá unha duración de 9 meses. Suporá a creación de 20 postos de traballo entre a poboación de Ribadeo e estará centrado no turismo e nas novas tecnoloxías.
O edil Pablo Vizoso dixo que “este obradoiro, denominado #RibadeoXQsi, nace co fin de promocionar o Camiño Norte ao seu paso pola nosa vila e os recursos naturais, culturais e históricos vencellados ao mesmo como destino turístico, xestionando servizos de información turística e participando na creación, comercialización e xestión de produtos e servizos turísticos locais”.
O concelleiro de Desenvolvemento Local explicou que “durante os nove meses de duración deste proxecto planificaranse e desenvolveranse varios produtos audiovisuais multimedia interactivos. Ao mesmo tempo, vaise promocionar e poñer en valor patrimonial o Santuario da Nosa Señora das Virtudes, situado en Arante”.
Vizoso Galdo contou que “serán dúas as especialidades formativas que se impartirán neste obradoiro de emprego: Desenvolvemento de produtos audiovisuais multimedia interactivos e Promoción turística local e información ao visitante. Trátase dunha programación formativa integrada e conforme aos itinerarios de inserción profesional, dirixida á obtención dun certificado de profesionalidade. Isto permitirá que ao rematar a súa participación no proxecto formativo, os alumnos/as participantes estean en condicións de incorporarse ao mercado laboral para ocupar postos de traballo vencellados coa imaxe, a edición dixital, o desenvolvemento de aplicacións multimedia, a información turística, a promoción turística, etc.
O edil ribadense sinalou que “durante o desenvolvemento deste programa mixto de formación e emprego, crearanse 20 postos de traballo entre a poboación do concello de Ribadeo, que serán os alumnos e alumnas traballadores que desenvolverán os proxectos aprobados, e estarán contratados a través da modalidade de contrato de formación e aprendizaxe. A maiores, contrataranse 2 persoas monitoras e unha persoa directora do proxecto”.
O concelleiro de Desenvolvemento Local engadiu que “as persoas interesadas en participar como alumnas traballadoras deste programa deben ser maiores de 18 anos, estar desempregadas, inscritas no Servizo Público de Emprego e facer a solicitude de participación na Oficina de Emprego de Ribadeo. Ao tratarse de especialidades formativas conducentes á obtención dun Certificado de Profesionalidade de Nivel 3, deben estar en posesión dun nivel formativo de Bacharelato ou similar. A convocatoria das prazas será publicada na sede electrónica e nos taboleiros do Concello de Ribadeo. O proxecto está promovido polo Concello de Ribadeo, cunha subvención da Consellería de Emprego e Igualdade e o Servizo Público de Emprego Estatal”.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
