Ribadeo, 1 de decembro de 2020. Acisa Ribadeo ven de presentar a súa campaña de Nadal que se desenvolverá do 4 de decembro ata o 10 de xaneiro de 2021. Inclúe a X Festa do Comercio, que repartiá 4.000 euros en premios, ademais de ambientación musical, concursos, sorpresas para os máis pequenos e pequenas da casa e a instalación dun árbore na praciña de San Roque. O slogan elixido é Vive o Nadal en Ribadeo.
O presidente de Acisa, Francisco Iriarte, dixo que “hoxe presentamos a campaña de Nadal que se celebrará do 4 de decembro ao 10 de xaneiro. Inclúe o sorteo da X Festa do Comercio con 4.000 euros en premios, a colocación do árbore de Nadal de Acisa na praciña de San Roque, actuacións na rúa e a entrega de material gratuíto para os socios”.
O xerente de Acisa, Jesús Pérez, explicou que “este ano a Festa do Comercio ven con novidades. A principal é que o sorteo non será presencial para evitar as aglomeracións que se producían outros anos o día do sorteo. Este realizarase nas oficinas de Acisa o 11 de xaneiro e será emitido en directo a través das redes sociais da asociación, coa posterior publicación dos números agraciados nos medios de comunicación. Desde o 4 de decembro ata o 10 de xaneiro as rifas estarán a disposición dos clientes de todos os negocios asociados a Acisa Ribadeo. Este ano tamén temos novidades nos premios, que se repartirán nun premio de 2.000 euros, un premio de 1.000€, un premio de 500 euros e cinco premios de 100€. Inicialmente póñense en circulación 125.000 rifas, que deberán ir debidamente seladas por cada establecemento para ser entregadas aos clientes”.
Iriarte Quintana subliñou que “algo moi importante neste Nadal para nosoutros é crear ambiente navideño. Todos sabemos que estamos vivindo unha situación complicada, pero debemos ser capaces de animarnos e levantar o espírito. A pesares do virus, o Nadal sigue existindo e sendo responsables poderemos desfrutar del. O noso comercio e a nosa hostalería necesítano. Nesta liña optamos por xerar nas rúas de Ribadeo o mellor ambiente navideño posible, que faga que ao saír da casa un se alegre un pouco máis e que se evada de tanta información”.
Pérez Prada sinalou que “se procederá a instalar o árbore de Acisa na praza de San Roque, tamén con novidades creando un espazo único onde veciños e visitantes poidan fotografarse, fronte ao nome de Ribadeo en tamaño XL, iluminado para a ocasión. Tamén apostamos pola ambientación musical, por iso, en Ribadeo volveranse oír, a través da megafonía, polas principais rúas os tradicionais villancicos. Ademais, seguindo co espírito navideño, Acisa convocará un concurso de decoración e iluminación”.
O presidente de Acisa seguiu a relatar que “apostaremos tamén pola animación en directo, sempre que as circunstancias o permitan e deixando aberta a posibilidade de cancelación. Contaremos con animación para os máis pequenos da casa, así como para as horas de saír a tomar un viño ou unha caña. Teremos ademais actividades como unha visita de Os Bolechas e pasarrúas de gaitas varias fins de semana, pola tarde e ao mediodía. Un ano máis tamén entregaremos material gratuíto aos socios, como bolsas, papel de regalo e pegatinas, que a asociación distribuirá de forma totalmente gratuíta a quen o solicite. O prazo para pedilo está aberto ata o día 6 de decembro”.
Jesús Pérez manifestou que “todo isto non se entendería sen unha ampla campaña de promoción, a máis potente dos últimos anos, co fin de dicirlles aos ribadenses, aos veciños da comarca e de lugares próximos, que Ribadeo é o mellor lugar para facer as compras, tomar un viño, encargar a cea de Nadal e desfrutar dunhas festas diferentes. Faremos unha ampla promoción en prensa escrita, dixital e en radios, e completarémola con spots publicitarios durante estes días nas televisións autonómicas de Galicia e Asturias”.
Iriarte subliñou que “toda esta programación exclusiva de Acisa Ribadeo contará co financiamento da Xunta de Galicia e da Deputación de Lugo, administracións ás que lles estamos moi agradecidos. Para este Nadal non debemos esquecer a campaña das panchas, organizada polo Concello de Ribadeo, coa colaboración de Acisa e Abanca. A Asociación de Comerciantes, Industriais, Servizos e Autónomos encárgase da xestión íntegra dos fondos dos que nos dota o Concello, así como das posteriores validacións das panchas para que os negocios as poidan ingresar nas súas contas como euros, así como de todo o proceso interno. Estamos seguros de que todo, no seu conxunto, será un revulsivo máis para comprar en Ribadeo este Nadal”.
A X Festa do Comercio de Acisa repartirá 4.000 euros en premios
Relacionado
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
