Burela, 9 de xaneiro, 2021. Os pupilos de Juanma Marrube xa son bicampións irmandiños. O Pescados Rubén Burela FS alzouse co título da Copa Galicia Masculina, por segunda vez na súa traxectoria, tras impoñerse con solvencia esta tarde en Narón ao Noia Portus Apostoli (5-2). O presidente da RFGF, Rafael Louzán, acompañado polo vicepresidente da RFEF, Pablo Lozano, fixo entrega do trofeo ao capitán Edu, para escribir con letras de ouro este sábado 9 de xaneiro como un día histórico para toda a Familia Laranxa, completanto a xornada que comezou o Pescados Rubén Burela FS pola mañá en Vista Alegre conquistando a Supercopa de España Feminina.
Buscaron sorprender os de Marlon Velasco con Antonio Diz como referencia; no primeiro recibimento fronte a Edu fóiselle fóra, pero na seguinte acción conseguiu adiantar o Noia, recollendo (minuto 6) un pase dende a banda tras a pugna con David Pazos. Isto serviulles aos da Mariña para reaccionar e foi precisamente o 20 mariñán o seguinte en poñer a proba a Álex Pérez cun potente mísil; tentouno tamén Lucho e foi o desquite dos irmáns o que fixo acto de presenza á terceira, pola mesma banda, cun disparo cruzado de Álex Diz que deixou no chan a Luisma e Álex Pérez. Os de Juanma Marrube buscaron a verticalidade, metendo unha marcha máis, e comezaron a recoller os seus froitos para distanciarse con comodidade. Tras a iniciativa do electrónico no 14 a través de Quintela, empurrando maxistralmente o disparo do de Ames, os pupilos de Juanma Marrube ampliaron ata o 4-1 en tan só dous minutos, co propio David Pazos nunha perda noiesa e máis tarde con Javi Rodríguez, ao segundo pau de Pitero. Unha das mellores para o Noia tívoa Antonio Diz, gañando o man a man fronte a Iago Míguez, pero non puido controlala ante Edu e fóiselle fóra. O quinto laranxa volveu ter sinatura de Pazos, tras o pase de Quintela e a paciencia de Iago Míguez para cederlla ao 20 burelista. A rede noiesa tremeu e moito nos últimos compases da primeira parte con dúas magníficas oportunidades nas zapatillas de Iago Míguez, desartellada entre Álex e Pope, e de Quintela ao traveseiro.
Souberon xogar co marcador a favor os laranxas. Noia pelexou por reducir distancias cun bo regreso, ante a solidez de Edu, que soubo como frear as intencións primeiro de Raggiati e máis tarde de Armando e Pope; Antonio Diz tamén se estrelou contra o pau. Giasson e Renato protagonizaron as máis perigosas dos do Mariskal, ao pau, para subir o sexto. O Pescados Rubén tiña una vantaxe ampla e pouco a pouco o encontro cobrou certa desorde, con continuas idas e voltas. Loitou o Noia, con sete minutos por diante, polo acerto sobre a rede con Javaloy e respondeu do mesmo xeito Juanma Marrube, con Javi Rodríguez como abandeirado, para manter a posesión. Aínda a tivo Giasson a porta baleira en despexe no 34; no entanto, o sexto non chegou. A portería laranxa resistíuselles aos de Marlon Velasco; tan só foron capaces de acurtar distancias falta de tres para o final, con Rangel aproveitando unha perda de cinco para catro de Burela, para o definitivo 5-2.
Ficha técnica
Pescados Rubén Burela FS: Edu, Iago Míguez, Matamoros, Renato, Giasson, cinco inicial; tamén xogaron Lucho, Quintela, Álex Diz, David Pazos, Pitero, Javi Rodríguez,
Noia Portus Apostoli FS: Álex Pérez, Luisma, Pope, Rangel, Naranjo, cinco incial; tamén xogaron Antonio Diz, Javaloy, Armando, Lluc, Pirata, Rivera, Asensio, Raggiati,
Goles: 0-1, minuto 6, Antonio Diz; 1-1, minuto 8, Álex Diz; 2-1, minuto 14, Quintela; 3-1, minuto 15, David Pazos; 4-1, minuto 16, Javi Rodríguez; 5-2, minuto 37, Rangel
Árbitros: Martínez Torres // Darriba Villamor. Por Burela amarela para Lucho, Quintela. Por Noia amarela a Antonio Diz
Incidencias: Partido correspondente á final de XXIX Copa Galicia disputado no pavillón da Gándara de Narón. Edu recibiu o Trofeo Mellor Xogador MVP Concello de Narón da alcaldesa, Marián Ferreiro. O noiés Pirata foi recoñecido como Mellor Xogador MVP Munich.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
