Lugo, 07 de xaneiro de 2021. O PP, no marco do seu labor de control do goberno da Deputación, faise eco das queixas que os usuarios das vías de titularidade provincial fan chegar aos concelleiros e aos deputados populares. Nesta ocasión, membros do grupo provincial do PP desprazáronse a Trabada para comprobar as deficiencias que presentan as estradas LU-P 6103 e LU-P 6104, que, respectivamente, comunican o citado municipio con San Cosme de Barreiros e coa parroquia de Sante e, finalmente, con San Tirso de Abres (Asturias). Nesta visita participou o portavoz municipal do Partido Popular en Trabada, José María Fernández. Por outro lado, o grupo provincial popular súmase ás preguntas do PP de Trabada e de numerosos veciños sobre que pretende facer a Deputación coas fincas adquiridas no seu día por Suplusa para o parque empresarial que precisa este municipio.
As deficiencias das vías de comunicación xeran con frecuencia risco para a circulación rodada e peonil. Isto ocorre na estrada que enlaza Trabada con San Cosme de Barreiros (LU-P 6103). Neste caso, a sinalización horizontal, máis que deficiente, é inexistente de tan deteriorada que está. Esta deficiencia é un problema considerable en todo o seu trazado, pero especialmente nos puntos máis altos, onde o mal tempo e a néboa son moi frecuentes. Polo tanto, é preciso que o goberno da Deputación, presidido polo socialista José Tomé, adopte o antes posible as decisións necesarias para o repintado da sinalización horizontal desta estrada. Na mesma vía, é preciso instalar redutores de velocidade na parroquia de A Fórnea, para mellorar a seguridade, no punto no que hai un cruzamento nunha curva.
En canto a estrada que enlaza a capitalidade do municipio de Trabada coa parroquia de Sante (LU-P 6104), o risco de accidentes é aínda máis grande. Neste caso, o problema débese a unha deficiencia estrutural, porque a vía sofre un afundimento a altura de Xuga, onde xa ocorreu algún accidente de tráfico. A parte afectada polo afundimento está sinalizada, pero o risco é evidente.
O portavoz provincial dos populares, Javier Castiñeira, sinala: “Os veciños de Trabada demandan melloras en dúas estradas provinciais a LU-P 6103 e LU-P 6104, e, ademais, queren saber que se pretende facer coas fincas que a día de hoxe son propiedade da Deputación de Lugo, adquiridas por Suplusa no 2007, para facer un polígono industrial; coa disolución de Suplusa, ninguén sabe que vai pasar con esas dúas fincas”. Engade: “O interesante sería que se seguise co convenio para o polígono e desenvolver solo industrial en Trabada, nesas fincas e que se compren as que están ao lado para que este municipio poida dispoñer dun parque empresarial nos próximos anos. É a petición que fan os veciños e é a que nós, o grupo provincial do PP, trasladaremos ao goberno da Deputación”. Castiñeira recorda que a alcaldesa de Trabada, Mayra García, é membro do goberno provincial.
En canto as estradas, o portavoz provincial do PP sinalou: “Estas dúas vías son importantes para este concello e teñen a sinalización horizontal bastante deficiente; son perigosas nalgúns dos seus tramos. A LU-P 6103 une o centro de Trabada con Barreiros e pasa por algúns núcleos, como é o de Fórnea, no que os veciños protestan pola deficiente sinalización e reclaman pasos de peóns e medidas para rebaixar a velocidade do tráfico, así como a limpeza de cunetas que están en moi mal estado”. Engadiu: “Outra estrada que non está en bo estado porque ten moitos defectos de sinalización é a LU-P 6104, que une o centro de Trabada con San Tirso de Abres e é saída a N-640. Esa estrada non está ben sinalizada e nalgún dos tramos estase afundido”.
Castiñeira sinala: “O PP pide ao goberno provincial que canto antes resolva os problemas nestas dúas estradas, como demandan os veciños e o Partido Popular de Trabada”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O lume iniciouse ás 14.51 horas do luns e para a súa extinción mobilizáronse, polo de agora, 2 técnicos, 10 axentes, 15 brigadas, 16 motobombas, 1 pa, 5 helicópteros e 7 avións. 
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
