Burela, 27 de febreiro, 2021. O Pescados Rubén Burela FS non deixa de crer en si mesmo e por iso hoxe conseguiu unha grata recompensa, rescatando un valiosísimo punto na pista do Futbol Emotion Zaragoza (3-3) a 5 segundos da bucina final. Tras o 1-1 ao descanso, as filas dirixidas esta tarde por Alfonso Mera souberon responder ao brillante regreso dos locais; David Pazos neutralizou o tanto de Eloy Rojas, pero un erro do naronés sobre a rede devolveulles a iniciativa aos maños. Os galegos encontraron o ansiado empate con xogo de cinco.
O pau aliouse coa solvencia de Edu nos primeiros minutos, cun Zaragoza máis incisivo fronte á concentración defensiva do Burela, en media pista, tratando de evitar as transicións do conxunto local. Javi Alonso deu o primeiro aviso, no minuto 2. Tras a primeira chegada con perigo dos galegos, nas zapatillas de David Pazos, Retamar tamén fixo tremer o pau, no 6, desde de saque de banda, e pouco máis tarde volveu estrelala, no 9, Eloy Rojas. Álex Diz mantivo aos seus a salvo no 12 nun gran repregamento. E foi precisamente o 22 burelista o encargado de estrear o luminoso a escasos segundos nunha bonita xogada colectiva que culminou o lugués a pase de Mata, atopando o oco fronte a Iván Bernard. Rearfirmou este tanto o plan de partido Pescados Rubén para gañar en posesión, buscando profundidade, e liberarse da insistencia maña. O Siglor XXI viviu un ritmo máis lento e ocasións máis mitigadas chegando ao ecuador, pero subiu a quinta falta para as filas mariñás e dispuxo o Futbol Emotion do premio do dobre penalti, con Retamar. Tras unha nova alianza da portería co naronés, Eloy Rojas non fallou á contra, sentenciando o empate a 1’41” para o a bucina do ecuador.
Eloy Rojas, nunha vaselina, conseguiu a iniciativa na primeira xogada da continuación. Giasson a punto estivo de sorprender no 22, cunha man brillante de Iván Bernard, pero David Pazos non tatexou no 23. Con todo, pouco durou a alegría nas filas do Pescados Rubén, que recibiu a escasos segundos do 3-2, nun erro de Edu, que aproveitou Javi Alonso desde falta de Ortego. Basile protagonizou o perigo nos seguintes compases, de novo estrelándose co pau no 27 e sen axustar definición no 29. Non concretaron os de David Marín o cuarto, nas zapatillas de Juanqui, cunha boa actuación de Edu; restaban aínda 8 de partido. Tampouco puido aproveitar Burela as súas oportunidades de ouro coa elegancia de Álex Diz, rozando a igualada no 34 cun cano a Retamar que se lle foi alto sobre a rede; e no 36 en estratexia, con saque de esquina de Pazos que non puido rematar Renato por milímetros. Con case tres minutos por diante, Diz enfundouse na camisola de porteiro xogador; insistiron os de Alfonso Mera e non se precipitaron; así Diz tivo a serenidade exacta para recuperar e cederlla a Renato para que o 12 lla servise en bandexa de prata a Quintela e selar o ansiado empate a tan só 5 segundos para o final.
Venres 12, próxima cita
Os laranxas, xa con Sito Rivera no banco, retomarán a competición o venres 12 de marzo coa xornada 23, despois do descanso ligueiro da próxima semana. Vista Alegre acollerá a cita ante Osasuna Magna, ás 20.30 horas.
Ficha técnica
Futbol Emotion Zaragoza: Iván Bernard, Javi Alonso, Eloy Rojas, Adri Ortego, Juanqui, cinco inicial; tamén xogaron Dian Luka, Retamar, Jamur, Óscar Villanueva, Santi Basile
Pescados Rubén Burela FS: Edu, Iago Míguez, Matamoros, Giasson, Álex Diz, cinco inicial; tamén xogaron David Pazos, Quintela, Javi Rodríguez, Renato,
Goles: 0-1, minuto 13, Álex Diz; 1-1, minuto 19, Eloy Rojas; 2-1, minuto 21, Eloy Rojas; 2-2, minuto 23, David Pazos; 3-2, minuto 24, Javi Alonso; 3-3, minuto 40, Quintela
Árbitros: Bustos Caparrós // Ramos Marín (Andalucía). Por Zaragoza amarela para Ortego (minuto 40). Por Burela amarela para Quintela (minuto 18), Edu (minuto 19), Matamoros (minuto 19), Álex Diz (minuto 27)
Incidencias: Partido correspondente á xornada 22 de Primeira División Masculina disputado no Siglo XXI de Zaragoza
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
