Bruxelas, 23 de marzo de 2021. A conselleira do Mar, Rosa Quintana, lamentou que o acordo provisional e temporal acadado hoxe no Consello de Ministros de Pesca da Unión Europea para as principais especies da frota galega en augas compartidas co Reino Unido non teña en conta os aspectos sociais e económicos e só se rexa polas recomendacións científicas do Consello Internacional para a Exploración do Mar (CIEM).
A proposta de Totais Admisibles de Capturas (TAC) adoptada para estas especies ante a falla de acordo co Goberno británico supón establecer ata o 31 de xullo a parte proporcional sobre o total anual das posibilidades de pesca recomendadas polo CIEM para o presente exercicio, o que leva consigo un axuste nas cotas de varias das especies principais para a frota galega.
Isto, a falla de que se acade un acordo definitivo co Goberno británico, supón dificultades para especies obxectivo da frota galega como a pescada, o gallo, a xarda ou o lirio, entre outras, explicou. Non obstante, sinalou a titular de Mar, é preciso esperar ás cifras definitivas unha vez se acade o acordo co Reino Unido.
Mentres, a parte positiva é que permite seguir faenando á frota galega nas augas noroccidentais europeas e manter a súa actividade ata o 31 de xullo, expuxo, se ben este acordo provisional sigue deixando ao sector na incerteza e na indefinición sobre como organizar as pesqueiras para o resto do ano, podendo verse abocados a realizar axustes da xestión das cotas sobre un período cada vez máis exiguo.
En xeral, destacou a conselleira, o acordo parcial e temporal acadado non recolle os aspectos sociais e económicos que vén demandando Galicia. Nesta liña, explicou Rosa Quintana, a comunidade autónoma galega seguirá defendendo de cara ao acordo definitivo co Reino Unido que a Comisión Europea teña en conta o principio establecido na Política Pesqueira Común de manter o equilibrio entre os aspectos medioambientais, económicos e sociais.
Ante esta situación Galicia segue tendendo a man ao Ministerio de Agricultura, Pesca e Alimentación para continuar traballando e marcar unha liña estratéxica na defensa dos intereses do sector nesta recta final da negociación entre a Unión Europea e o Reino Unido para determinar as posibilidades de pesca definitivas para as augas do norte. Neste labor Galicia sempre pon en valor os datos e argumentos que recada co obxectivo de que á hora de fixar as cotas, ademais de ter en conta os aspectos medioambientais, tamén se consideren o impacto no sector e na economía e deste xeito preservar a actividade da frota.
Nesta liña a conselleira do Mar sinalou que unha cuestión é a de fixar as posibilidades de pesca, na que debe primar a súa mellora, e outra cuestión diferente é sentar as bases do acordo co Reino Unido, na que debe primar a instauración dun sistema xusto e equitativo de asignación de cotas e a estabilidade xurídica para o sector.
Neste Consello de Ministros de Pesca da Unión Europea que se celebrou entre onte e hoxe, Galicia volveu a acompañar ao Ministerio de Agricultura, Pesca e Alimentación en representación das comunidades autónomas españolas. Nel fixáronse as posibilidades de pesca ata finais de xullo deste ano en augas compartidas co Reino Unido para que a frota poida seguir desenvolvendo a súa actividade mentres non se acada un acordo definitivo co Reino Unido.
Para participar, só é preciso realizar unha compra igual ou superior a 10 euros e rexistrar o tícket na web 
Trátasde dunha adaptación da novela de Neira Vilas no décimo aniversario da súa morte, dirixida por Cándido Pazó. 20.30 horas.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
A alcaldesa de Lourenzá, Rocío López, explica que foi “un encontro para compartir, aprender e lembrar a importancia da prevención, a detección precoz e a investigación. E, como símbolo de apoio, un lazo rosa ilumina a fachada da Casa do Concello e os donativos recollidos destinaranse integramente á AECC”.
Ribagorda visitou Ribadeo acompañado polo director xeral de Comercio, Gabriel Alén, nun percorrido polas principais rúas comerciais da vila, xunto ao xerente de ACISA, Jesús Pérez, e a concelleira de Comercio, Marta Saiz. Na Pontenova, o presidente da Asociación de Comerciantes, José Luis Balseiro, reuniuse tamén con Alén e Ribagorda. A campaña “De compras pola Mariña”, promovida pola FCAM e financiada por Comercio Galego e a Xunta de Galicia, difundirá varios vídeos nas redes sociais e na plataforma De las cosas del comer. Ribagorda percorreu estes días Foz, Lourenzá, Viveiro, Burela, Ribadeo e A Pontenova, achegándose ao comercio local e ao patrimonio natural e cultural da comarca.
O encontro principal terá lugar no comedor da carta o mércores 28 de outubro, ás 14:30 h. Ese mesmo día, ás 09:00 h, Jesús Manuel Blanco García, presidente da asociación micolóxica Os Bolouros, ofrecerá unha charla introdutoria para abrir a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
