Ribadeo, 23 de maio de 2021. A Banda Municipal de Música de Ribadeo ofreceu o seu primeiro concerto deste ano onte, sábado, para celebrar o Día das Letras Galegas e dedicou unha obra, Banda galega, a Hernán Naval ao cumprirse 20 anos do seu pasamento. A actuación foi no campo de herba artificial do colexio Gregorio Sanz para cumprir as medidas derivadas da pandemia e evitar a súa propagación.
Dirixida polo seu titular, David Ballester, a Banda ribadense interpretou Ammerland, de Jacob de Haan; Valiance, de Roberto W. Smith; Celtic air and dance nº 3, con arranxos de Michael Sweeney; Alborada gallega, de Xoan Montes con arranxos de Fernando Froján; Cidra, de Reveriano Soutullo; Música mestres, de Juan L. Diéguez; e O Chopo, de Manuel Iglesias Domínguez. Como bises tocou Banda galega, de Felisindo Pérez Seara, e o himno galego, de Pascual Veiga.
Durante o concerto David Ballester agradeceu “a colaboración do Concello, concretamente das concellerías de Cultura e de Deportes, por facilitarnos ensaiar no pavillón polideportivo municipal, e ao Ribadeo Fútbol Sala, por deixarnos as súas instalacións para gardar o noso material”. Ademais o director da formación pediu ao público un forte aplauso para os músicos “polo gran esforzo que están realizando nestes momentos complicados e duros” e tivo un recordo para Hernán Naval porque o día 17 deste mes cumpríronse 20 anos do seu pasamento, sendo director da Banda de Ribadeo.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
