Riotorto, 7 de xuño de 2021. A Xunta de Galicia aprobou hoxe inicialmente o Plan básico municipal (PBM) de Riotorto, que se converte así no oitavo concello galego que supera este trámite e segue avanzando cara ao obxectivo de dotarse o antes posible dun instrumento propio de ordenación, o primeiro no seu caso.
A conselleira de Medio Ambiente, Territorio e Vivenda, Ángeles Vázquez, visitou esta mañá o municipio lucense para notificarlle ao alcalde, Clemente Iglesias, a sinatura da orde de aprobación inicial do PBM, unha ferramenta pensada para que os concellos de menos de 5.000 habitantes e sen planeamento —37 en toda Galicia— poidan desenvolver certa actividade urbanística pero sen establecer criterios de crecemento urbano.
Tras agradecerlle ao Goberno local a súa aposta por esta nova figura, creada ao abeiro da Lei do solo e que se enmarca no obxectivo da Xunta de ningún concello sen PXOM, a conselleira felicitou tanto ao alcalde como ao equipo redactor do documento polo traballo realizado e o seu compromiso para garantir un urbanismo responsable no concello.
“Imos facer o posible para sacar á luz esas potencialidades que ten este concello de maneira que llo poñamos máis fácil aos que viven aquí e aos que queiran investir en Riotorto”, declarou a conselleira, que engadiu que na ordenación do territorio “ten que imperar sempre o sentido común” e avogou por “explorar e vender” esa Galicia “onde se respira tranquilidade e se vive moi ben” pero na que tamén se poden atopar “puntos para seguir nutríndonos economicamente e que os mozos opten por quedarse” en concellos como Riotorto.
Cómpre lembrar que para axudar e motivar aos municipios sen planeamento a tramitar un PBM, a Xunta decidiu asumir directamente a redacción do primeiro ‑o do Concello do Páramo‑ ademais de colaborar técnica e economicamente con outros oito concellos, que xa teñen nestes momentos moi avanzada a tramitación dos seus respectivos plans (Riotorto, Cartelle, Padrenda, Porqueira, Triacastela, San Xoán de Río, Trabada e Ribeira de Piquín).
Desde a aprobación inicial fai seis meses do primeiro Plan básico municipal correspondente ao concello do Páramo, Riotorto convértese no cuarto municipio en superar este trámite na provincia de Lugo e no oitavo que o fai en toda Galicia, dando así un paso decisivo de cara a dotarse dun marco propio en materia urbanística.
O obxectivo da Xunta, indicou a conselleira, é que os nove municipios que foron pioneiros á hora de empezar a traballar no seu PBM poidan telos aprobados definitivamente a finais deste ano ou comezos de 2022.
Neste sentido, lembrou que, a día de hoxe, tan só queda pendente de recibir a aprobación inicial da Consellería o plan de Ribeira de Piquín, salientando o bo ritmo co que se están a tramitar estes documentos.
Pola súa banda, o alcalde, Clemente Iglesias, salientou que hoxe é “un día moi feliz para todos os veciños e por suposto, tamén para o Concello” porque o PBM “é un instrumento urbanístico esencial e básico” para os municipios que non teñen un plan xeral aprobado e que “garante unha seguridade xurídica” que antes non había.
Clasificación de solo urbano e núcleos rurais
O plan aprobado inicialmente hoxe clasifica no concello de Riotorto un único ámbito de solo urbano, sumando todos os terreos que integran a malla urbana existente e de xeito que os sete antigos asentamentos rurais quedan a partir de agora unidos ao lugar das Rodrigas. Así mesmo, o PBM delimita un total de 67 núcleos rurais: 60 deles de tipo tradicional, 6 que combinan partes tradicionais e comúns e 1 común.
En canto aos elementos significativos do patrimonio cultural e natural de Riotorto merecedores dunha protección especial, o documento identifica e cataloga un total de 118 dos cales son de tipo arqueolóxico, 44 arquitectónicos e 68 etnográficos. De todos estes elementos, cómpre subliñar que a gran maioría (concretamente 88) foron incorporados ao longo do proceso de elaboración do propio PBM, mentres que os 30 restantes xa estaban recollidos no Plan básico autonómico.
Unha década a prol do urbanismo responsable
A tramitación dos primeiros Plans básicos municipais da Comunidade enmárcase no esforzo realizado na última década pola Xunta para acadar o obxectivo de que Galicia avance cara a un urbanismo sostible e responsable e na protección da súa paisaxe.
Neste sentido, cómpre lembrar que hai un segundo grupo de nove concellos de menos de 5.000 habitantes (Alfoz, Guntín, Samos, Beariz, Lobeira, Punxín, San Cristovo de Cea, Viana do Bolo e Dozón) nos que se están a realizar desde marzo os traballos técnicos para cartografar os seus respectivos territorios. Trátase dun paso previo e imprescindible para a redacción dos PBM, polo que se agarda que este ano tamén reciban un pulo definitivo.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
