Páxina web do Sergas, onte pola tarde, tralo anuncio de que Viveiro pasará a grado alto de restricións debido ao incremento de casos: a día de hoxe parece ser que 35, tan só un máis. Busco as condicións establecidas polas autoridades para o nivel alto, e atópome con que o nivel alto supón, segundo o seu criterio, unha incidencia acumulada a 14 días de entre 250-500 casos por cada 100.000 habitantes. As informacións que nos chegan son de 34 casos activos a día de onte. En Viveiro somos 15.391 habitantes segundo o censo a 1 de xaneiro de 2020 (por certo, perdemos poboación de xeito constante, imos mal); fago o cálculo matemático, incidencia 220,90 casos por cada 100.000 habitantes, non chegamos ao establecido. Dito isto chego a dúas conclusións: ou o Sergas non da os datos certos, ou toman a decisión fácil, de ser así, para eles é sinxelo, non lles custa nada. A indignación medra.
En Viveiro, temos 119 locais de hostalería (entre bares e restaurantes), pensións, hoteis de ata 4 estrelas, campings, apartamentos turísticos, empresas de ocio e aventura… Centos de persoas viven día a día do sector; ducias de negocios que volven a ingresos cero; centos de traballadores volverán aos Ertes durante este período coa correspondente redución dos seus salarios; e todo isto sen chegar ás propias esixencias do goberno galego para o peche, ou moi xustiños.
Levamos 5 peches forzados, algúns negocios incluso ata 6 ou 7 peches; perdas económicas cuantiosas; postos de traballo perdidos; golpes á nosa imaxe turística constante; E todo isto sen constancia de que nin un solo dos brotes que tiveron lugar no noso Concello, ningún, se producise nun local de hostalería.
Chego a varias conclusións: Que fácil é tomar unha decisión, cando non vai ao bolsillo; Que fácil é tomar unha decisión, e deixar a centos de familias en incertidume, sen saber cando rematará esta agonía!; Que fácil é optar pola opción máis restritiva cando o xuizo dos que toman as decisións é inapelable. Eles e elas, os que toman as decisións, cobrarán as súas nóminas o día trinta, e seguirán coa súa vida, mentres a hostalería e sector turístico, seguirémonos erguendo día a día, para levantar este puto país, sacar as nosas familias adiante, e aínda por riba, pagarlle a esta tropa os seus salarios.
Pd. Por favor, cumpride as normas, a ver se todo isto remata pronto.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
