Burela, a 2 de xullo de 2021. O voceiro do Grupo Municipal Popular de Burela, Manuel Rouco, considera que “o señor Llano trouxo para o seu debate no pleno o orzamento máis represivo dos últimos anos para Burela: uns 7.070.000 euros cando o ano pasado aprobou unha contía presupostaria duns 7.300.000 euros e o anterior, no ano 2019, 7.440.000 euros”.
Os populares sinalan que “o descenso é máis que evidente”. A este respecto, explican que “conforme pasa o tempo, Burela vai diminuíndo o seu presupostos paulatinamente; cando noutros concellos da nosa contorna se incrementa de forma significativa con contías duns 800.000 euros como poden ser o caso de Ribadeo ou o de Foz, este último tamén gobernado polo PSOE”.
Rouco considera que “os apenas 75.000 euros en inversións reais que presenta para Burela o señor Llano rozan o ridículo”.
Dende o Grupo Municipal Popular vén “un claro paralelismo entre o descenso das contías presupostarias de Burela e o continuo peche de negocios na nosa vila cando noutras non paran de abrirse negocios”.
Os populares denuncian “a necesaria complicidade do BNG, unha vez máis” que foi “máis que evidente para sacar adiante o presuposto municipal. Convértese así nun mero apéndice do PSOE burelés”.
O portavoz popular condena “a actitude burlona do señor Llano respecto á situación da nosa vila demostra o pouco ou nada que lle importa Burela. Trátase da actitude propia daquel que se ve seguro de cobrar o seu soldo a fin de mes sen ter q facer ningún tipo de esforzo; moi ao contrario dos numerosos autónomos e pequenos empresarios da nosa vila que día a día teñen que saír á rúa a gañarse a vida”.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
