Viveiro, 21 de xullo de 2020. O centro da cidade, o casco vello de Viveiro precisa moita máis atención da que lle presta o goberno local, pero onde mellor se pode medir a falta de interese dos responsables municipais é nos barrios. O portavoz popular, Óscar Rodríguez, sinala que un caso da manifesta ineficacia do equipo que dirixe María Loureiro e o Barrio do Conexo. Os concelleiros do PP reclaman melloras no pavimento das rúas e na sinalización; máis limpeza e outras accións, como instalación de mobiliario urbano.
Óscar Rodríguez destaca que neste barrio hai un establecemento hoteleiro, que constitúe un dos motores turísticos desta zona. O portavoz popular indica que o acceso dende a Rúa Suasbarras está nun estado penoso. O pavimento está moi deteriorado e hai unha antiestética illa de contedores de superficie xusto na entrada do barrio, ademais dalgún edificio en mal estado.
O portavoz popular indica que é precisa unha mellora xeral dos barrios de Viveiro. No caso do Barrio do Conexo ademais de intervir no acceso, hai –di Óscar Rodríguez- que desenvolver iniciativas encamiñadas a humanizar esta parte da cidade, con creación de pequenos espazos axardinados, instalación de mobiliario urbano, etcétera. Os populares consideran que o Concello debe deseñar a intervención nesta parte da cidade despois de falar cos veciños e cos empresarios con locais ubicados neste ámbito urbano.
Estivo organizada polo Motoclub Os de Sempre, que reuniu este fin de semana a centos de participantes chegados de Galicia, Asturias, León e o Bierzo. O programa incluíu unha ruta nocturna en homenaxe aos moteros falecidos, ademais de momentos de convivencia en comidas e actuacións musicais dos grupos Primera Línea e Malditos Pendejos. Na entrega de trofeos participaron o alcalde de Ortigueira, Valentín Calvín, e a concelleira Isabel Rego.
Destacou o seu valor como punto de encontro e motor económico e cultural da comarca. Arias puxo en valor o labor do Concello por manter eventos de referencia como a Moexmu, esta feira e a próxima Festa da Filloa, que contribúen a promover o sector agrogandeiro e a tradición galega.
A concelleira de Cultura, Ana Cartelle, destacou que “es un privilegio para Ortigueira contar con una formación de la talla de Qvinta Essençia”, e subliñou que o concerto ofrece “una oportunidad única para disfrutar de una música que en su día fue la vanguardia de las cortes europeas”. O recital propón unha viaxe pola lírica e a música do Renacemento, con obras de Guerrero, Morales ou Vázquez e textos de Garcilaso, Boscán ou Lope de Vega.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
