Barreiros, a 5 de agosto de 2021. O Concello de Barreiros acometeu nas últimas semanas diversos arranxos nunha das súas iconas turísticas, a paraxe natural do Santo Estevo do Ermo, particularmente coñecida pola súa fervenza. Un reduto de alto valor ecolóxico e cultural que supón un gran atractivo para os viaxeiros que se achegan ex profeso para coñecer este recuncho da Mariña Lucense.
Segundo explicou a alcaldesa, Ana Ermida, “mellorouse a seguridade arranxando e colocando novas varandas de protección en varios puntos e instalando malla antiesvaramentos nas pasarelas de madeira. Ademais, procedeuse á retirada de especies invasoras, particularmente na zona da área recreativa.”
A última intervención, que está sendo realizada esta semana, inclúe o arranxo con motoniveladora dos accesos que se atopaban en mal estado; ao tempo que se pretende establecer un sentido único de circulación para aquelas persoas que desexen achegarse en vehículo ata a contorna da capela. Así, estase procedendo á sinalización direccional mantendo o acceso xa existente para a entrada e habilitando como saída o camiño que se dirixe cara á contorna da autovía.
Outras das actuacións que se desenvolveron foi o incremento da sinalización direccional desde San Cosme e a instalación de paneis de aviso de riscos e de normas de convivencia co fin de “mellorar a experiencia dos visitantes, advertir de que se trata dunha contorna natural non exenta de riscos e concienciar sobre a necesidade de protección dun espazo tan sensible.”
Desde o Concello desexan que estas actuacións redunden nunha mellor imaxe deste recurso turístico tan representativo para Barreiros.
Será o sábado 26 de setembro de 20:00–22:30 no Palacio Santa Emilia de Mondoñedo. Entrada: 34,90 €, inclúe viño seleccionado e aperitivo.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
