Burela, a 6 de outubro de 2021. O voceiro do Grupo Municipal Popular de Burela, Manuel Rouco, considera “asombrosa a incapacidade do señor Llano e o seu equipo para a xestión o Concello”. Así o manifesta ante a última metedura de pata na tramitación documental para solicitar a cesión ante Portos de Galicia dunha finca situada na rúa Curros Enríquez pola parte posterior do edificio de Capitanía Marítima.
Rouco lembra que “no pleno celebrado este verán no que o goberno local defendeu esta proposta, o Grupo Municipal Popular xa lle advertira dous aspectos. Por unha banda, que había que consultalo previamente co sector pesqueiro porque ese terreo se atopa preto dunhas naves que empregan os pescadores de Burela, algo que o señor Llano e o seu goberno non fixeron”, apunta.
“E, por outra parte, que era preciso facer a correspondente tramitación administrativa requirida por Portos de Galicia e a Federación Galega de Municipios e Provincias (FEGAMP). Con respecto a esta última cuestión a concelleira socialista, a señora López Moreno, respondeu de forma altiva que primeiro ían derribar o muro que para eles supón Portos de Galicia e que o goberno local xa tiña moi claro o que tiña que facer”, segundo explica o voceiro popular.
Finalmente, este martes puidemos comprobar “a patochada” de escrito que o señor Llano rexistrou ante Portos de Galicia da man da parlamentaria socialista Patricia Otero que interveu na Comisión de Pesca do Parlamento galego dando lectura ao documento. “Nin sequera solicitan aquilo que, supostamente, pedían: a cesión da parcela situada na porta posterior do edificio de Capitanía”, subliña Rouco que incide, ademais, en que “presentou o escrito ante Portos de Galicia sen a tutela da FEGAMP”.
Para o popular “isto supón un suma e segue na contía de ridículos do señor Llano e o seu equipo á fronte do goberno municipal: parece ser que ningún deles asumiu aínda que xestionar un Concello non é o mesmo que ir de comidas e facer posados de cara á opinión pública”.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
