Lugo, 12 de novembro de 2021. 161 deportistas recibirán as bolsas para deportistas indiviuais da área de Deportes da Vicepresidencia da Deputación de Lugo, segundo se recolle na resolución provisional da convocatoria publicada no Boletín Oficial da Provincia.
As bolsas, que oscilan entre os 300 e os 1.500 euros, teñen como obxectivo impulsar a actividade deportiva nas diferentes disciplinas. O deputado de Deportes Efrén Castro explicou que “se trata dunha liña de axudas orientada fundamentalmente ás etapas de iniciación, coa que tratamos de contribuír a financiar os custos derivados da actividade competitiva e apoiar o esforzo persoal por mellorar a nivel deportivo en calquera disciplina”.
Así, figuran entre as persoas beneficiarias das bolsas figuran deportistas de distintas modalidades: atletismo (64), piragüismo (24), péntatlon moderno (13), karate (8), taekwondo (7), remo (7), judo (7), natación (5), tiro olímpico (3), bolos (3) / bolos celta (1), squash (2), loitas olímpicas (3), hípica (3), motociclismo (1), surf (1), tenis (1) e triatlón (1).
A convocatoria, que se repite anualmente, está aberta a deportistas de modalidades individuais con licenza federativa menores de 35 anos e empadroados/as calquera municipio da provincia. As contías asígnase en función de criterios de valoración obxectivos, tendo como referencia fundamental os resultados acadados en campionatos federados -mundiais, europeos, estatais, galegos ou provinciais- na anualidade 2020. A participación feminina incentívase cunha puntuación adicional. Tamén se valora positivamente a pertenza a clubs e entidades deportiva da provincia.
Ademais, resérvanse sete bolsas para deportistas con capacidades diferentes que compiten en modalidades adaptadas.
A área de Deportes da Vicepresidencia da Deputación de Lugo investiu nesta convocatoria de concorrencia competitiva un total de 85.500 euros, que se suman aos 500.000 concedidos a clubs e entidades deportivas.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
