Ribadeo, 19 de novembro de 2021. Acisa presenta as súas novas bolsas. Trátase dun paquete de 30.000 unidades, que están dispoñibles para o comercio e para a hostalaría asociados. Esta iniciativa realízase coa colaboración do Concello de Ribadeo.
Nesta ocasión preséntanse en tres formatos: un para o comercio de tamaño mediano e bolsas para botellas de viño e comida para levar para a hostalaría.
O xerete de Acisa, Jesús Pérez, dixo que “como adoitamos a facer polo Nadal este ano tamén entregaremos de forma totalmente gratuíta materiais aos nosos asociados e asociadas. Nesta ocasión fixemos un esforzo extra, dedicando preto de 12.000 euros do convenio do Concello de Ribadeo a este fin. Estamos diante da maior inversión en bolsas realizada nos últimos anos por Acisa, podendo así adquirir mais de 30.000 unidades, a cifra tamén mais alta dos últimos anos. E ampliamos os modelos, contamos coa habitual bolsa comercial e engadimos un modelo de bolsas para botellas de viño e outro destinado á comida para levar”.
Pérez Prada sinalou que “deste xeito respondemos ás necesidades dos nosos asociados, que diariamente no comercio veñen utilizando as bolsas que dende Acisa lles proporcionamos de forma gratuíta, e no caso da hostalaría damos resposta ás peticións feitas este ano, con dúas bolsas moi demandadas, especialmente a de comida para levar, servizo que con mor da pandemia, está en alza”.
Carmen Cruzado, vogal da directiva de Acisa, explicou que “son 20.000 bolsas para comercio, 5.000 para botellas de viño e 5.000 destinadas á comida para levar. Entre as novidades desta campaña, a primeira é a antelación coa que puidemos traballar, facendo que as bolsas poidan estar nos negocios antes da chegada do mes de decembro, nunha ponte tan importante coma a da Constitución e incluso para o Black Friday. O deseño tamén é renovado. Utilizamos en primeiro lugar a nova imaxe corporativa e turística de Acisa, que comparten coa nova sinalización comercial da vila, no que se debuxa o noso SkyLine. E en segundo lugar empregamos a nosa marca de promoción do Camiño de Santiago, Ribadeo, porta do Camiño Norte. E por ultimo inclúen a inserción no deseño, do código QR-WEB de Acisa, deste xeito entramos nos fogares de moita xente, facilitando a posibilidade de que cun fácil escaneo, un veciño de Ribadeo, da comarca ou un turista, estando na súa casa, poida ver a actualidade da asociación, a guía comercial ou hostaleira, a oferta turística ou cultural… isto supón un paso mais na dixitalización e na estratexia de achegarnos mais ao consumidor”.
O xerente de Acisa subliñou que “aqueles asociados e asociadas que fixeron os pedidos das súas bolsas poderán dende o vindeiro martes, 23 de novembro, comezar a recóllelas nas oficinas de Acisa, na rúa San Roque, 57-baixo, de 9:30 a 14:30 horas”.
Jesús Pérez engadiu que “o luns comeza a fase final do proxecto de sinalizacion comercial de Ribadeo. Esa xornada procederase á retirada de todos os identificativos colgantes da nosa asociación en todos os establecementos da vila. Os traballos durarán aproximadamente unha semana, e para o luns seguinte comezarán a colocarse os novos. Estes traballos implican retirar os ferros que están nas fachadas e volvelos a colocar. Queremos insistir en que ninguén se preocupe, xa que as fachadas non sufrirán danos e nuns días estarán do mesmo xeito que estaban”.
As novas bolsas de Acisa foron presentadas hoxe por Jesús Pérez, por Carmen Cruzado e polo concelleiro de Comercio e Turismo, Pablo Vizoso.
O público poderá degustar embutidos de porco celta da gandería Celtagal, de Mondoñedo. O deputado de Rural Daniel García, Alba Fernández, da organización das festas, e Iván Rodríguez e Jose Barreira, representantes de Asoporcel, presentaron a iniciativa, que se inclúe no programa de fomento do consumo de razas autóctonas Un gusto de rural, un rural de gusto. O programa, posto en marcha en 2025 para socializar as calidades gastronómicas das carnes de razas autóctonas galegas con diferentes receitas, prevé este ano 37 degustacións en mercados, feiras e outras celebracións populares. Na organización, que conta coa colaboración das asociacións Puraga, Asoporcel e Boaga, prímase o emprego de materia prima de gandeiras e gandeiros locais.
O obxectivo é facilitar que os mozos e mozas que o desexen poidan facer uso destas instalacións. A medida permitirá empregar o campo para a práctica deportiva e para a organización de partidos informais durante o período estival. Desde o Concello de Viveiro sublíñase a importancia de ofrecer espazos deportivos accesibles durante as vacacións de verán e de favorecer hábitos de lecer activo entre a mocidade.
A convocatoria foi realizada polo Concello para amosar a solidariedade de Ribadeo con esta catástrofe natural.
No evento participarán todas as seccións da escola, que amosarán o traballo desenvolvido ao longo do ano. A entidade adianta tamén que está a ultimar os preparativos da XL Feira do Bonito, da que ofrecerá máis información proximamente.
Renova o seu compromiso co club despois de facerse cargo do equipo a mediados da campaña pasada. O técnico pontenovés afrontará este novo ciclo con traballo, compromiso e ilusión para seguir liderando a nave celeste.
O evento, organizado por O Arco da Vella coa colaboración do Concello de Barreiros e o CEIP San Miguel, contará coa participación dos grupos ACF Gamelas e Anduriñas de Espasante e O Arco da Vella de San Miguel de Reinante. Antes do festival haberá un pasarrúas con saída desde a Praza do Souto.
Os concertos serán os xoves ás 20:30 h e incluirán propostas variadas como The Swinging Flamingos, Terrae & Nastasia Zürcher, César de Centi, Silvia Penide, Bela Clarlo, Disquetera e unha sesión especial de DJ Mr. Fishman o 11 de agosto. O Concello destaca que esta iniciativa busca dinamizar os espazos públicos, ampliar a oferta cultural do verán e converter a alameda nun punto de encontro para veciñanza e visitantes.
