A Mariña, 8 de decembro de 2021. A nova edición de A Mariña en Ruta, que rematou no Vicedo o pasado sábado, acadou de novo datos moi positivos. Así se desprende dos datos desta edición e das enquisas ás que responderon parte das 219 persoas que gozaron das andainas durante os meses de outubro, novembro e principios de decembro. O presidente da Mancomunidade, Fran Cajoto, agradece o apoio das administracións para levar adiante este proxecto un ano máis, os esforzo dos profesionais implicados e tamén a participación nesta iniciativa.
O pasado sábado, 4 de decembro, A Mariña en Ruta levou ao grupo completo de Camiñando entre volcáns a descubrir a praia de San Román, no Vicedo. Foi un itinerario guiado polo xeólogo Franciso Canosa que amosou e axudou a comprender a formación xeolóxica desta zona. Unha xornada na que os participantes subiron por rochas ou achegáronse a covas nos impresionantes cantís da praia, formados algúns deles polos diferentes materiais que se atopaban no fondo dun antigo océano”.
Ademais do coñecido Ollo de sapo, característico polos cristais de cor azulada que ten no interior e que recordan a este animal, víronse as pegadas da formación volcánica que se estendía dende o Norte de Galicia ata Guadalajara, case 600 kilómetros de lonxitude, fai aproximadamente 470 millóns de anos. Finalmente, foi posible apreciar un exemplo de tómbolo na parte norte da praia e comprobar a acumulación de imáns naturais que se depositaban, posibles causantes do varamento de grandes mamíferos mariños nestas zonas.
Esta ruta por O Vicedo foi a última deste programa de actividades en torno á cultura e á natureza promovido pola Mancomunidade de Concellos, co apoio da Xunta de Galicia para a súa coordinación e execución e da Deputación de Lugo para a promoción en medios. “A Mariña en Ruta dotou ao xeodestino durante esta edición dunha oferta turística complementaria suxerinte e ao aire libre co obxectivo de axudar na dinamización da comarca durante o outono e provocar, ademais de que a propia poboación local puidese descubrir mais aspectos sobre a súa comarca, escapadas de turismo interno de Galicia e das comunidades autónomas próximas axudando na reactivación do turismo fóra de tempada nesta época marcada pola covid19”, subliñou o presidente da Mancomunidade, Fran Cajoto.
Esta edición, coa colaboración para a súa coordinación e execución da empresa de turismo activo Volta Montana, veu a supoñer a valorización do entorno natural, a historia, a etnografía e a arqueoloxía da Mariña Lucense a través de 10 roteiros que se realizaron durante os meses de outubro, novembro e principios de decembro nos concellos de Trabada, Burela, A Pontenova, Riotorto, Barreiros, Lourenzá, Viveiro, O Vicedo, Xove, Mondoñedo e Alfoz. “Dez roteiros que invitaron a coñecer a riqueza dos concellos nos que se desenvolveron, coma acontecera o ano pasado, da man de guías locais e experimentados no territorio coma: Pedro Rolle, Guido Álvarez, Boris Vilar, Lidia de la Fuente, Sofía López, Claudia del Pino, Noela Feal, David Fernández ou Fran Canosa”, segundo indicou a axente de Desevolvemento Turístico da Mancomunidade, Tania Hermida.
Cajoto dixo que “o ano pasado, cando tiveron lugar as primeiras edicións de A Mariña en Ruta, o programa foi un éxito grazas ao formato que se adaptaba perfectamente á situación derivada pola Covid19 sendo do mesmo xeito este ano pero, sobre todo, por todo un equipo de profesionais que se conformou e soubo estar á altura e tamén pola resposta tan boa da xente. Todo isto propiciou esta nova edición, que volve recoller eses bos datos, con 6 dos 10 roteiros completos, e tamén algunhas suxestións para a súa mellora das que dende a Mancomunidade de Concellos da Mariña Lucense se vai tomar boa nota coa finalidade de seguir mellorando o proxecto para futuras ocasións”.
Realizando unha análise xeral das enquisas desta edición foi posible coñecer que o 100% dos participantes que responderon á enquisa de satisfacción repetiría a experiencia, o 100% cree que debería ter continuidade no tempo, o 100% considera que dinamiza a oferta cultural da Mariña Lucense e o 100% recomendaría a experiencia a outra persoa. Tania Hermida explicou que “a valoración xeral dos roteiros foi moi boa cunha nota media de 9,15 puntos sobre o máximo de 10. A puntuación medias para os roteiros foi de 8,77, a dos guías 9,22, a organización 9,22 e a iniciativa 9,4. A procedencia xeral dos participantes, dun total de 219 que acudiron ás rutas, céntrase en 5 provincias: Lugo (74,5%), A Coruña (15,7%), Madrid (7,9%), Ourense (1,06%) e Pontevedra (1,06%). Foron maioritariamente mulleres cun 59,9% fronte ao 40,1 % dos homes, cunha idade media de 52 anos, aínda que este dato abarca dende os 26 ata os 75 anos demostrando como o programa se adapta a unha tipoloxía de público de idades moi variadas. E en canto á forma na que a xente acudiu aos roteiros destacan as parellas cun 42,6%, seguido de grupos cun 31,7% e un 25,5% que o fixo só”.
O presidente da Mancomunidade, Fran Cajoto, sinalou: “gustaríanos trasladar o noso agradecemento a todos os profesionais involucrados no proxecto, aos participantes pola boa acollida e confianza e ás distintas administracións, tanto Xunta coma Deputación, que co seu apoio económico permiten que teñan lugar este tipo de iniciativas que nos axudan a poñer en valor o noso patrimonio durante esta época do ano”.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
