Viveiro, 4 de xaneiro, 2022. O sorteo máis esperado do Nadal de Viveiro xa ten números premiados. Recordamos que debido á situación sanitaria actual cancelouse o sorteo presencial na Praza Maior e fíxose o sorteo nas oficinas do CCHV.
Lembramos que o premio consiste en 3 soldos de 1.200€ cada un en vales de compra, repartidos ó longo dun ano, sendo 100€ ó mes para cada un dos 3 agraciados. Este sorteo vai xa pola 9ª edición e converteuse en todo un clásico e nunha cita ineludible do Nadal; o ano pasado tivo que suspenderse por mor da pandemia e este ano vímonos na obriga de cambiar o formato de sorteo presencial a online, pero non por elo queremos deixar de repartir os premios.
Ó longo destes anos, ningún sorteo organizado polo CCHV quedou deserto, sempre se entregaron os premios, e nesta ocasión queremos que siga sendo así. Polo que faremos todo o posible para que aparezan 3 gañadores si ou si.
O sorteo gravouse en vídeo e publicouse en tódalas redes sociais do CCHV, enviouse a información a tódolos medios de comunicación e informouse ós negocios asociados dos números premiados para que poidan dar boa conta ós clientes, tamén se repartirán carteis cos números gañadores para colgar nas portas dos negocios e que os clientes o teñan o máis fácil posible para saber se son un dos agraciados.
O prazo é de 7 días para que aparezan os 3 gañadores, ou no seu defecto os números reserva. Senón aparece algún, volveremos a sortear, porque queremos que os premios estean nas mans dos nosos clientes, polo que recomendamos que non se tiren as papeletas ata que anunciemos que apareceron os 3 gañadores.
Os afortunados poden chamar ó 982550707 ou acercarse ata as oficinas do CCHV sitas na Rua Diaz Freijo, 3.
Foron un total de 150.000 números repartidos dende o 21 de decembro cas compras realizados só en negocios asociados ó CCHV.
RESERVAS (por este orde): 132.089 / 35.701 / 148.327
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
