Santiago de Compostela, 24 de febreiro de 2022. A deputada socialista Patricia Otero reprobou hoxe a negativa do PP a esixirlle á Xunta a que tome medidas para frear “o desmantelamento” e corrixir “a situación caótica” na que está inmerso dende hai anos o centro de saúde de Viveiro.
Con este obxectivo, a parlamentaria do PSdeG defendeu esta tarde unha proposición non de lei na que se instaba ao goberno galego a tomar as medidas necesarias para acabar co deterioro constante que está a afectar á calidade da atención sanitaria no municipio. “O caso chegou ata un punto tan caótico que durante varios días este centro de saúde chegou a contar só cun único médico para atender a case 16.000 veciños e veciñas”, denunciou Otero.
Entre outros problemas, as eivas materiais e humanas están obrigando a aprazar moitísimas citas, co agravante de que ademais se avisa aos usuarios cando xa están no centro de saúde. Para máis, a situación provoca que se estean derivando pacientes en pleno proceso de valoración dende o PAC de Viveiro ás urxencias de Burela. Deste xeito, “colapsamos o PAC e tamén as urxencias do hospital da Mariña”.
Ademais, a deputada mariñá evidenciou que os usuarios están tardando máis de dúas semanas para conseguir citas médicas -algo que “é inviable e indignante nestes tempos”- e lamentou que lograr que che collan o teléfono supón “unha odisea”. Ao mesmo tempo, advertiu que este problemático escenario non só afecta a Viveiro, senón que se repite, “por desgraza”, na práctica totalidade dos concellos da Mariña.
Con todo, o Partido Popular votou en contra desta iniciativa coa que se pretendía que a Xunta dotase de medios materiais e humanos “necesarios e suficientes” para que o centro de saúde recuperase a capacidade asistencial que ten asignada. Tamén se solicitaba que se retomasen os servizos que foron suprimidos ou minguados “tras 12 anos de recortes na sanidade pública por parte do goberno popular na Xunta”. “Pedimos algo de pura xustiza: que se pase do que se contempla no papel á realidade”, enfatizou a parlamentaria do PSdeG.
Na súa intervención, Patricia Otero evidenciou que -aínda que a saturación e o colapso que se agudizou pola sanitaria da covid- a situación que se está a vivir neste concello “non é nada novo” e as queixas dos usuarios e usuarias “eran e son habituais”. De feito, explicou que o propio Concello de Viveiro solicitou unha reunión coa xerencia da Área Sanitaria para tratar o tema, pero “aínda non houbo resposta”.
Neste contexto, lembrou que tanto pacientes como profesionais veñen padecendo e denunciando dende hai anos un continuo desmantelamento dos servizos de Atención Primaria. Estas eivas, “como sucede tantos outros da provincia de Lugo e do resto de Galicia”, son o exemplo “do ataque do goberno galego cara á Atención Primaria.
Así, recordou que “son numerosos os exemplos da falla de médicos deste centro de saúde, que demostran que estamos ante un problema estrutural e non puntual”. “Esta é”, remarcou, “a política do señor Feijóo na atención primaria: non cubrir baixas, nin vacacións, nin excedencias, nin xubilacións”. Nesta liña recoñeceu a dificultade de cubrir esas baixas cando “en Galicia temos as peores condicións laborais de España e, por mor disto, os profesionais que formamos aquí deciden marchar para outros lugares”.
Neste escenario, Patricia Otero lembrou que o propio Concello de Viveiro, así como os profesionais sanitarios e os usuarios deste centro de saúde, levan anos denunciando a falta de medios humanos e materiais e pedindo que se cubran estas baixas. En definitiva, “que se poñan os medios suficientes para ter unha atención primaria de calidade”.
“Meréceno os usuarios e usuarias do centro de saúde”, proclamou Otero, “pero tamén uns profesionais que deben ter unhas condicións dignas e que en moitos momentos teñen que atender unha media diaria de 90 a 100 pacientes”. Ao mesmo tempo subliñou que esta situación tan complicada está a saír adiante “grazas á súa boa vontade e profesionalidade”.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
