O PP de A Pastoriza esixe ao goberno local que dea unha solución á situación de falta de cobro das traballadoras do SAF

A Pastoriza, 24 de marzo de 2022. O Partido Popular de A Pastoriza esixe ao goberno local que dea unha solución á situación de falta de cobro das traballadoras do SAF. Concretamente, os populares pídenlle ao equipo de goberno “que se sente coas afectadas” e que explique porque seguen mantendo este servizo coa empresa adxudicataria cando existe incluso unha denuncia favorable a estas profesinais da Inspección de Traballo e un proceso xudicial aberto, iniciado por elas mesmas, polo importantes incumprimentos laborais.

Dende o PP consideran, a este respecto, “inxustificable” que “por non cumprir, nin cumpren o convenio de 2012 que, por certo, está obsoleto”, afirman. E é que, engaden, “a precariedade á que están sometidas chega a tal punto que nin se lles paga a quilometraxe, nin a suba do IPC e tampouco as horas que fan de máis”. Por iso, os populares apoian ás afectadas na súa reivindicación de que non se privatice o servizo e a concesión sexa do Concello.

O goberno local “cómplice”
Os populares lamentan “a incertidume” na que están inmersas estas profesionais e acusan ao goberno local de “pasotismo e de ser cómplice desta mala xestión”. Por este motivo, reclaman publicamente aos dirixentes do Concello que “dean a cara e, sobre todo, deixen de crear problemas”.

“Estas profesionais fan un traballo esencial, que redunda no benestar daqueles veciños que máis o precisan. O que non é de recibo é telas nestas condicións”, manifestan.