Santiago de Compostela, 27 de abril de 2022. O secretario xeral de Política Lingüística, Valentín García, asistiu esta tarde á presentación da oitava edición de Mondoñedo é poesía no Pazo de San Roque.
O representante da Consellería de Cultura, Educación e Universidade sinalou que Mondoñedo é “certamente, terra fértil en poetas en lingua galega” e gabou a iniciativa de “exportar ao resto da Comunidade e alentar a produción literaria no idioma propio de Galicia desde este concello cuxa identidade vén en boa medida marcada pola literatura e por figuras como Álvaro Cunqueiro”.
No acto tamén interviron Elena Candia, primeira tenente de alcalde de Mondoñedo, e Antonio Reigosa, cronista e coordinador da edición.
Os amantes do verso poderán gozar desde o vindeiro domingo 1 de maio das distintas actividades propostas para a ocasión no concello de Mondoñedo. Trátase dunha das accións enmarcadas dentro da programación das Feiras e Festas das Quendas.
Nesta edición 2022, na sección Nova Poesía, participarán os tres gañadores do premio Díaz Jácome 2021: Adrián A. Vázquez, Adrián Maceda e Branca Trigo. A seguir, os nenos do colexio CEIP Álvaro Cunqueiro tomarán parte do I Recital de Poesía Infantil, coordinados pola Asociación Tanque de Zinc. Ambos os encontros serán na rúa.
No Auditorio Pascual Veiga recitarán os seus versos Miguel Anxo Fernán Vello, poeta, dramaturgo, editor e Premio Nacional da Crítica Española 1985 e 2005; Olga Novo, poeta, ensaísta, profesora e Premio Nacional de Poesía 2020, e Xuan Bello, poeta, narrador, tradutor, ensaísta e Premio Nacional de Literatura Asturiana 2017.
O grupo musical galego-catalán Gelria ofrecerá para rematar o concerto Cantos de poeta no mesmo auditorio.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
