Critica que Conde “non tivera nin un só minuto desde hai seis meses para vir á Mariña e traballar pola comarca, a pesar de ser invitado en tres ocasións”
Foz, 17 de maio de 2022. O Alcalde de Foz e Presidente da Mancomunidade de Municipios da Mariña, Francisco Cajoto ve consumado o desprezo do PP e do Conselleiro, Francisco Conde á Comarca da Mariña. Así o dixo trala xuntanza organizada polo conselleiro nun restaurante de Chantada o pasado 13 de maio con representantes políticos desta Comarca, e critica que Conde “non tivera nin un só minuto desde hai seis meses para vir á Mariña e traballar pola comarca, a pesar de ser invitado en tres ocasións”, advertiu.
O alcalde de Foz e presidente da Mancomunidade de Concellos da Mariña remarca que a Xunta e o PP “continúan na liña do desprezo institucional”, por iso agarda “que o novo presidente Rueda enderece o rumbo e chame a filas aos seus compañeiros de goberno para que comecen a traballar con lealdade”.
Cajoto fixo patente a súa indignación “pola falla de resposta ás peticións continuadas de reunións de traballo desde esta comarca, mentres o Conselleiro Conde atende aos medios desde un restaurante de Chantada e anuncia unha próxima reunión na zona de Melide”. E insistiu nas súas criticas “a promesa de Feijoo para que Altri viñera para a Mariña esvaeceuse sen ningunha explicación, había moitos emprazamentos viables que non interesou estudar coas alcaldesas e alcaldes mariñaos”, replicou.
Comarca de segunda
O rexedor afirmou “resulta indignante que o señor Conselleiro de Economía e Industria, a Directora Xeral de Impulsa Galicia e o Delegado Territorial da Xunta citen a alcaldes a unha reunión dunha semana para outra, pero en cambio non respondan a unha petición realizada dende fai 6 meses. Espero que o motivo non sexa que existen comarcas de segunda ou que A Mariña non lles interesa electoralmente”.
Por ultimo advertiu “seguimos a sufrir unha grave crise no sector industrial e Altri, a gran promesa de Feijoo, resultaba fundamental para o futuro dunha comarca que é das principais produtoras de eucalipto. Se non queren mover un dedo pola comarca que nolo digan, pero a Galicia cantábrica tamén existe”, resumiu.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
