Destacaron os valores de deportividade e compañeirismo en equipos con xogadores e xogadoras tan novos e deron forza e ánimo para continuar situando a Burela como un referente deportivo
Burela, 22 de xuño de 2022. O alcalde de Burela, Alfredo Llano, e o tenente de alcalde e concelleiro de Deportes, Ramiro Fernández, recibiron no consistorio aos equipos do CB Burela que se alzaron co título provincial e galego nesta tempada 2022.
En concreto, o equipo preinfantil masculino, Frigomar Burela, proclamouse campión galego desta tempada tras impoñerse no pavillón municipal de Tui ao Basket Coruña.Pola súa banda, as xogadoras da Academia A Mariña Burela gañaron ao Viveiro no derbi mariñao, facéndose campioas provinciais en alevín feminino, un título provincial que o club sumou ao galardón da liga autonómica.
Finalizaron así unha “magnífica tempada na que Burela volve a ser referencia a nivel deportivo, tanto en categorías masculinas coma femininas”, subliñou o edil de Deportes, Ramiro Fernández, trasladando os parabéns aos dous equipos, á directiva e en xeral a todo o club, “así como aos adestradores e familias que fan posible que os nenos e nenas sentan paixón e motivación polo baloncesto”.
Alfredo Llano felicitou tamén ao CB Burela “por saber transmitir desde as categorías inferiores a importancia do deporte e de valores como o xogo en equipo, o esforzo e a deportividade, facendo que sintamos en Burela moito orgullo pola traxectoria do club e pola constancia e compromiso das xogadoras e xogadores que compiten en categorías inferiores e que, de seguro, terán un bo futuro e levarán o nome deste pobo alá a onde vaian”.
Nesta recepción aproveitaron para facerlles entrega dun cadro coas fotos do día da fase final na que se fixeron cos títulos de campións galegos e campioas provinciais.
O cambio resulta necesario porque a instalación das atraccións impide o paso dos camións de recollida por estes puntos. O contedor situado na Travesía Granxas trasladarase á avenida de Vilalba, mentres que o instalado na rúa Antonio Roca pasará á rúa Suasbarras. Ademais, o Concello reforzará a dotación de contedores no Campo da Festa e no Campo da Pascua, onde se colocarán máis unidades para atender o incremento de residuos previsto durante a celebración. Desde o Concello agradécese a comprensión á veciñanza polos cambios realizados e lémbrase a importancia de depositar os residuos nos contedores situados nas novas localizacións, co fin de facilitar o correcto funcionamento do servizo de recollida.
O festival terá lugar os próximos 1, 2, 3 e 4 de xullo na parroquia de Celeiro do concello costeiro, que volverá acoller este popular evento cultural centrado na música punk, metal e hardcore.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
