Burela, 4 de xuño, 2022. Vitoria aplastante do Pescados Rubén Burela 2-7 ante CD Leganés, no que significa o seu segundo partido consecutivo gando. As guerreiras seguen acumulando boas sensacións e resultados positivos para encarar o inminente play off de liga.
Na primeira parte do encontro o equipo local ía aguantar bastante as acometidas das laranxas, pero aínda así lograron irse cunha vantaxe de 3-0 ao descanso a base de dominio. Primeiro anotaba Peque no minuto 5 de xogo para abrir o marcador, tras un saque de esquina, e un minuto despois faríao Ale de Paz. Non ía ser ata o último minuto de xogo da primeira parte no que as guerreiras ían anotar o terceiro, por mediación de Irene Samper con asistencia de Elenita tras unha xogada individual.
A segunda parte foi un festival de goles, pois se chegarían a anotar seis máis. No minuto 25, cando o Leganés estaba a rozar o gol, Dany poñía o cuarto despois dun roubo á porteira local na liña de gol. Seguía aumentando a súa vantaxe o Burela esta vez de lanzamento de penalti materializado por Ale de Paz e poñer o cinco cero. A partir deste intre, o partido tornouse unha tolemia pois Leganés recortaría distancia por partida dobre nun minuto, primeiro con Guti co peito e a continuación con Patri tras xogada ensaiada de falta.
Nos últimos minutos o partido ía ser igual, dominio do Burela e seguindo aumentando a súa renda. Primeiro faríao Lara Balseiro cun golazo desde o seu campo, e por último Elenita convertería o definitivo 2-7 no marcador.
Ficha técnica
CD Leganés: Miriam; Guti, Patry Montilla, Puche y Orive (quinteto inicial). También jugaron, Chuli, Patri Blázquez, Paula Molano, Pipi y Alba.
Pescados Rubén Burela: Sandra, Elena Aragón, Cilene ,Irene Samper, -Cinco inicial- Jenny, Lara Balseiro , Elenita, Bea Mateos, Ale De Paz, Dany, Emilly y Jozi
Goles: Min 5 Peque 0-1; Min 6 Ale de Paz 0-2; Min 19 Irene Samper 0-3; Min 25 Dany 0-4; Min 31 Ale de Paz 0-5; Min 31 Guti 1-5; Min 32 Patri 2-5, Min 32 Lara Balseiro , Min 37 Elenita 2-7
Equipo arbitral: Gutierrez Muñoz, Noelia Árbitro Fútbol Sala: Moreno Duran, Jorge Sanchez Bombin, Ana Fernandez Cardenas, David .
Incidencias: Partido correspondiente á xornada 29 de Primera División RFEF, disputado no el pavillón La Fortuna.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
