A Vicepresidencia da Deputación de Lugo editou o volume, que distribuirá aos centros educativos e bibliotecas públicas da provincia
Lugo, 2 de xuño de 2022. Este venres 3 de xuño preséntase na Pontenova “Fotografía matemática”, un libro editado pola Vicepresidencia da Deputación de Lugo que recolle unha escolma de fotografías de alumnado e profesorado do IES Enrique Muruais que representan diferentes conceptos matemáticos.
Trátase de imaxes realizadas para o Certame de Fotografía Matemática que o departamento de Matemáticas ven convocando desde o 2010, co obxectivo de amosar ao alumnado na aprendizaxe desta disciplina científica. A publicación, coordinada por Sabela Núñez Singala e Rubén Sanjurjo Muíña, recolle unha escolma das máis de 500 fotografías que se presentaron ao concurso, dando difusión a un traballo que ata agora só se visibilizara no propio centro e que amosa que “vivimos rodeados de matemáticas”.
Así, o volume recolle 69 fotografías de formas arquitectónicas, obxectos cotiás ou elementos naturais que ilustran as aplicacións prácticas desta disciplina e axudan a comprender diferentes conceptos matemáticos.
A Vicepresidencia da Deputacíon de Lugo editou 500 exemplares deste volume, que se repartirá entre alumnado e profesorado do IES Enrique Muruais e se remitirá ao resto de centros de ensino e bibliotecas públicas.
“Desde a Vicepresidencia da Deputación de Lugo consideramos unha obriga colaborar coa comunidade educativa da provincia naqueles proxectos que axuden a facer visible o labor que se desenvolve nos centros de ensino públicos”, explica a vicepresidenta da Deputación de Lugo, Maite Ferreiro, que puxo en valor “a publicación de material en galego arredor de disciplinas científicas”.
A presentación, na que participarán Maite Ferreiro e as persoas coordinadoras da publicación, será ás 19.00 horas na Casa da Cultura da Pontenova.
O vendedor da ONCE Daniel José López Legaspi foi quen levou a sorte ao municipio desde o seu posto de venda situado na Praza Maior.
A programación presentouse na Delegación Territorial de Lugo, nun acto no que participaron o delegado territorial, Alfonso Villares; o alcalde, Francisco Balado; e representantes da entidade organizadora. Villares lembrou que a asociación recuperou o ano pasado a tradicional celebración do Corpus Christi na parroquia e destacou o seu labor impulsando actividades que fortalecen a convivencia. A xornada comezará ás 13:00 horas coa misa e a sesión vermú, continuará ás 15:00 co xantar popular e incluirá sorteos, animación musical, unha cea a base de petiscos e verbena.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
Ao acto están convidadas a directora xeral de Desenvolvemento Rural e Industrias Agrarias, Mª Begoña López Fernández; o director xeral do Medio Natural, David Villar García; así como as alcaldías dos 14 municipios que forman parte da Reserva, entre outras autoridades.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
