Foron rehabilitadas a rúa Rosalía de Castro, Avenida da Mariña, rúa e travesía dos Castros, rúa dos Colexios, rúa Vilar, rúa da Igrexa, travesía do Río, rúa Vilastrofe, rúa Pascual Veiga e rúa Amoreiras
Burela, 20 de xullo de 2022. O Concello de Burela informa de que xa están finalizadas as obras do proxecto de rehabilitación de firmes no que se investiron 355.757 euros de fondos municipais para renovar un total de 2,5 quilómetros lineais de estrada no casco urbano.
Un mes despois do anuncio da Delegación de Urbanismo co inicio das obras, xa están reparados os firmes da calzada de varias rúas con asfaltado en quente para mellorar a súa seguridade e durabilidade, incluíndo así mesmo a renovación completa da sinalización horizontal coas tarefas de pintado.
Finalizadas as obras, a veciñanza xa pode ver os resultados da rehabilitación na rúa Rosalía de Castro, entre a rúa Lamestra e a Avenida da Mariña; a Avenida da Mariña no acceso ao cemiterio e entre a travesía dos Castros e a rúa Pardo Bazán; o cruce da travesía dos Castros, a rúa dos Castros e a rúa dos Colexios; a rúa Vilar entre Avenida Pomeda e a fonte pública; a rúa da Igrexa entre Avenida Arcadio Pardiñas, rúa do Cancelo e rúa Fontela; a travesía do Río; a rúa Vilastrofe; rúa Pascual Veiga; e rúa Amoreiras.
Este plan do goberno, financiado exclusivamente con fondos das arcas locais, supón unha actuación estrutural que conta cunha grande inversión por parte do executivo municipal e pretende conservar as características funcionais das zonas, tal como a seguridade ou a comodidade na circulación, e mellorar tamén a protección do conxunto do firme cunha capa duns 5 centímetros de espesor, aumentando a durabilidade, impermeabilidade ou a unidade no aspecto, entre outros.
O concelleiro de Urbanismo, Ramiro Fernández, amosouse satisfeito con esta intervención “na que se lle deu xa outro aspecto e funcionalidade a moitas das zonas de Burela que contan con tránsito habitual de vehículos”, afirmando que “acurtamos os tempos na medida do posible para ocasionar as mínimas molestias aos veciños, aos que tivemos permanentemente informados, tendo en conta sempre que a climatoloxía e outras variables ás veces modifican o plan inicial”.
A aposta do goberno local por mellorar a circulación, o tráfico e a seguridade “é firme, e sabemos que aínda que as obras traen certas limitacións, agora a vila quedou moito mellor e todos desfrutamos da calidade e do resultado da renovación das estradas e sinalización en moitos puntos do casco urbano”.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
