Barreiros, 13 de agosto 2022. A Asociación Irmandade San Caetano presentou hoxe a programación da Romería de San Caetano, que se vai celebrar nesta parroquia barreirese a vindeira fin de semana, o venres 19 e o sábado 20. Dentro desta romería encádrase a Festa da Tortilla que vai pola XXV edición. Desde a organización da romería, Xavier López mostra a súa satisfaccion porque este ano poida por fin celebrarse outra vez despois do parón da pandemia e recalca o espíritu desta festa que garda a esencia das romerías de parroquia e apuntou tamén que “aquí seguimos sendo fieis ao palco de lona e á nosa música de sempre, porque eso é tamén o que nos demandan e agradecen os veciños e veciñas e nesa liña traballamos, e adaptándonos sempre tamén a realidade da nosa parroquia”.
Desde Irmandade San Caetano queren agradecer moi especialmente a colaboración dos patrocinadores Cenor-Belianorte, Gadis, e das institucións: Concello de Barreiros e Deputación de Lugo.
A programación é a seguinte:
Venres 19 de agosto
– A partir das 21:00, Cea do San Caetano (panceta, chourizos, empanada, pan e viño) amenizada polo grupo OS LAMBÓNS
– Ás 23:00, actuación de TUMBA E DÁLLE, grupo de música tradicional- Ás 00.00. Verbena con VERÓNICA CAMBÓN, artista “rockeirafolclórica”
Sábado 20 de agosto
-de 12:00 a 13:00, presentación das tortillas para o concurso
-ás 13:00 misa na capela e procesión.
Seguidamente: Sesión Vermútortilla coa Charanga LOUBAND
– Degustación da Gran Tortilla de San Caetano.
Pola tarde:
– xogos tradicionais
-ás 19:00, actuación de GUILLERMO SOLO, malabarista internacional
-ás 20:00, concurso MÁSTER TORTILLA
Á noite
-Verbena amenizada por JOSÉ ANIDO
-Baile do Farolillo
E ao remate da festa, Gran Chocolatada.
BASES CONCURSO TORTILLAS
1.- A hora de presentación das tortillas para concurso será desde as 12:00 ata as 13:00 do sábado 20 de agosto, no campo da festa.
2. – Cada tortilla será identificada por un número que lle asignará a organización e un nome que lle será posto pol@ concursante. Asi mesmo, deberá acompañarse dunha nota donde se especifiquen os ingredientes.
3.- Os ingredientes básicos obrigatorios son o ovo e a pataca.
4.- Serán premiadas: a tortilla mais grande, a de mellor sabor, a de mellor presentación e a mais innovadora.
5.- Cada tortilla só poderá optar a un premio.
6.- As tortillas premiadas recibirán os seus galardóns no transcurso da verbena do sábado 20 de agosto.
7.-As tortillas que entren en concurso, unha vez que o xurado decida serán repartidas entre o público para a súa degustación gratuita.
8.- O xurado estará formado por 5 persoas designadas pola organización.
9.- A interpretación das presentes bases é competencia do xurado, así como a resolución daquelas cuestións que puideran suscitar alguha dúbida.
10.- O fallo do xurado é definitivo e inapelable.
SOBRE O CONCURSO MÁSTER TORTILLA
1- Celebrarase o sábado 20 de agosto ás 20:00 no campo da festa. As tortillas faranse no mesmo campo da festa, nun espazo habilitado ao efecto.
2- Concursarán 6 parellas, que deben inscribirse ata o día anterior poñendose en contacto cos membros da organización.
3- A organización aportará a tixola, utensilios, os ingredientes e os fogóns.
4- Haberá premios para a tortilla de mellor sabor, e para a tortilla feita en menos tempo.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
