A primeira delas será o espectáculo Lara Hierro, unha obra que mestura palabra, danza, música e imaxe audiovisual
Burela, 28 de outubro de 2022. A Delegación de Igualdade e Muller e o Centro de Información ás Mulleres (CIM) do Concello de Burela anuncian o programa de actividades que se desenvolverá ao redor do 25 de novembro, Día Internacional para a eliminación da violencia contra as mulleres.
En días pasados, xa foi anunciado o espectáculo Lara Hierro, unha obra de carácter poliédrico dirixido a un público adulto onde as ferramentas a través das que falan son a danza, a palabra, a música e a imaxe audiovisual. Terá lugar hoxe venres ás 21 horas na Casa da Cultura.
O Concello dá continuidade un ano máis ao Concurso de Microrrelatos “25 de novembro”, que cumpre xa a súa décimo quinta edición. Haberá dúas categorías, unha para menores de 18 anos e outra para persoas de 18 en adiante. Pódense consultar as bases na sede electrónica do concello, no Taboleiro de Anuncios, accedendo a través da web municipal burela.org. O prazo de presentación remata o 18 de novembro ás 15 horas.
Tamén haberá actividades destinadas á información e concienciación social, como a campaña da Xunta de Galicia Agresión OFF, que pretende sensibilizar sobre a violencia sexual en particular e contra as violencias de xénero en xeral. Colocarase un stand para ofrecer información nesta liña, que inclúe actividades lúdico formativas con dinámicas de participación activa a través do xogo con materiais pedagóxicos de igualdade. Estará na Praza da Mariña o mércores 16 de novembro, de 12 a 19 horas.
Desde a Concellería da Muller e o CIM anuncian unha novidade no marco desta programación, a primeira andaina solidaria contra a violencia de xénero, na que colaboran a Asociación “Pasada das Cabras” e o Grupo de Participación Xuvenil do Concello de Burela. Celebrarase o domingo 20 de novembro e terá un percorrido de 7 quilómetros con saída (ás 10h.) e chegada na Praza do Concello. Poderase colaborar aportando un quilo ou un litro de alimento non perecedoiro ou produtos de hixiene que se recollerán o propio día da andaina.
O 25 de novembro, Día Internacional para a eliminación da violencia contra as mulleres, colocaranse pancartas e iluminarase a fachada do concello de cor morada. Ademais, haberá un punto informativo con reparto de material divulgativo e para a prevención da violencia de xénero na Praza do Concello ao longo da mañá. A lectura do manifesto institucional realizarase neste mesmo lugar ás 12 horas.
O programa tamén inclúe obradoiros de educación afectivo-sexual e prevención das violencias dixitais nos CEIPs e IES do municipio, así como un curso de defensa persoal e autocapacidades ante situacións violentas. Impartido por monitores e monitoras especialistas en defensa persoal e integrantes da Federación Galega de Loita, o curso vai dirixido a mulleres a partir de 16 anos. Terá lugar os días 12 e 14 de decembro na Casa da Cultura, en horario de 9:30 a 13:30h. É necesaria a inscrición previa no CIM, sito na Casa do Concello, ou ben chamando ao 982 58 06 09.
A alcaldesa, Marta Rouco, e a concelleira Paula Vigo destacaron que esta iniciativa busca dinamizar os domingos de feira e dar visibilidade ao traballo artesán. As inscricións poden realizarse ata o 26 de abril, cubrindo o formulario dispoñible en vilalba.gal/novas e enviándoo a feiras@vilalba.es xunto coa documentación requirida. Para consultas, está dispoñible o teléfono 982 51 03 05.
A representación desenvolverase na praza do mosteiro, na igrexa e nos espazos exteriores habituais para escenas como o xuízo ante Pilatos, o horto e a crucifixión. Participarán a Garda Pretoriana de Lugo, a Percussio Praetoria e o grupo Galiclasic, nun evento recoñecido como Festa de Interese Turístico Rexional e no que colaboran arredor de cen persoas.
O Concello de Cervo convida a toda a veciñanza a participar no novo Guateque de Arruguiñas, unha proposta pensada para fomentar o encontro interxeracional, a convivencia e o lecer compartido. O evento celebrarase este martes, 31 de marzo, ás 19:30 horas, na Casa do Mar de San Cibrao. A xornada incluirá actuación musical, bingo e chocolate, actividades organizadas polo alumnado de 2º de Bacharelato en colaboración coa Oficina de Voluntariado Xuvenil e a Asociación de Xubilados Terramar. O Concello anima a participar e desfrutar dunha tarde especial de convivencia e diversión.
O luns 30 de marzo ás 18:00 horas darán comezo as visitas guiadas polo casco histórico de Viveiro, conducidas polo historiador Xesús Martínez e organizadas polo CCHV coa colaboración da Xunta de Cofradías da Semana Santa. Antes da primeira visita, ás 17:30 horas, realizarase unha breve presentación na Praza Maior, diante da porta do Concello. No acto participarán José Veiga, en representación da Xunta de Cofradías, Cristina Rodríguez, presidenta do CCHV, e o propio Xesús Martínez.
O alcalde, Pedro Fernández, salientou o seu impacto turístico e deportivo. A edición inclúe un atractivo especial: a Concentración da Selección Española OPEN, que adestrará en Tapia do 1 ao 6 de abril. O Goanna Pro é a segunda proba da Liga PRO, garantindo un nivel competitivo máximo. Datas: Semana Santa 2026. Lugar: Praia de Anguileiro. Destacado: Concentración da Selección Española (1–6 abril).
O delegado destacou a consolidación do evento como referente cultural na Terra Chá. O festival contará con Caamaño & Ameixeiras, Ulex e La Txama, ademais de actividades lúdicas. A cita será no campo da feira de Gontán, con entrada gratuíta.
A Guía Repsol destaca 24 locais galegos como Soletes de primavera para gozar nesta Semana Santa. Galicia suma xa 357 establecementos recoñecidos con este distintivo, que non se renova nin se revalida, senón que se concede como categoría única. Na provincia de Lugo figuran seis Soletes: ‘Caserío Meiroi’ (Navia de Suarna), ‘Ebos’ (Vilalba), ‘Faragullas’ (Mondoñedo), ‘La Salina’ (Sarria), ‘Ramón’ (Lugo) e ‘Trespés’ (Monforte de Lemos).
