Alfonso Villares participou na xornada sobre o Pacto das Alcaldías polo clima e a enerxía que se celebrou en Santiago da man da consellería de Medio Ambiente.

Cervo, 20 de novembro, 2022. O rexedor, en representación dos concellos de menos de 5000 habitantes, explicou as diferentes medidas de adaptación postas en marcha en Cervo e que se enmarcan neste Pacto como son, por exemplo:

. Plan integral de reforestación con especies autóntonas de fincas municipais.
. Campaña de compostaxe doméstica.
. Control ecolóxico de especies invasoras.
. Sistema de depuración con plantas macrófitas.
. Campañas de sensibilización ambiental.
. Xeolocalización de colectores.
. Sendeiro Azul do Torno.
. Medidas de eficiencia enerxética en espazos e edificios públicos

Villares engadiu que: “moitas das medidas que implantamos nos últimos anos en Cervo teñen relación coa adaptación ao cambio climático e o seu fío condutor é a a protección da biodiversidade, pero teñen implicacións na resiliencia fronte a outras ameazas do cambio climático ou na mitigación das emisións”