Burela, 12 de novembro, 2022. Esta tarde ás 18h30 no Pavillón Vista Alegre de Burela disputouse o encontro CD Burela FS – FC Barcelona B. Un partido cheo de sobresaltos e emoción no que unha enardecida afición do BurelaFS, case 1000 espectadores, rematou o encontro en pé cun gol do FC Barcelona B no último segundo, apoiando ao seu equipo coa paixón dun pobo que cada fin de semana demostra o seu amor por este deporte. En palabras do adestrador do equipo burelés, David Rial “Facía moito que non vía eu algo tan bonito coma o de hoxe en Vista Alegre”
Nunha primeira parte bastante igualada en canto ao xogo, o Burela FS comeza anotando o seu primeiro tanto da man de Nando no minuto 7. Posteriormente un erro de Adrián Tapias sentencia o 2-0 para o Burela FS cun gol en propia porta despois dunha xogada onde Nando volve ser protagonista. Un minuto despois, de novo, Nando anota o seu segundo gol co 3-0 para o Burela FS e marcando certa vantaxe para o equipo local no descanso.
Na segunda parte o FC Barcelona B recorre ao porteiro-xogador para conseguir remontar o marcador mostrándose tenaces e insistentes, e nos últimos 5 minutos de xogo conseguen os 3 goles que lles dan o empate. Por parte de Marc Campas no minuto 35 comeza o sufrimiento para os aficionados do Burela FS, cun segundo gol de Rubén Sánchez no 37 e de novo Marc Campas no último segundo do encontro, sentenciando o 3-3 final.
Un empate que sabe a vitoria en Barcelona e a derrota en Burela, reparte 1 punto a cada equipo privando ao Burela FS dun ansiado segundo posto na clasificación, pero sabendo que aínda queda moita temporada e co ánimo reforzado para os próximos partidos, ambos importantes, que son a 4ª Eliminatoria da Copa do Rei este martes 15 contra o Valdepeñas e o do próximo sábado en Zaragoza.
Ficha Técnica:
CD Burela FS: M.Kaluza, Isma, Rikelme, Alberto Mirás, David Pazos, – cinco inicial- Lucho, Pitero, Nando, Antón, Eloy, Bruno.
FC Barcelona B: Albert Ortas, Rubén Sánchez, Aniol Vendrell, Marc Puigvert, Alex Lluch, – cinco inicial- Antoni Cerda, Adrián Tapias, Mamadou Siragassy Toure, Álvaro Muinelo, Nicolás Marrón, Marc Campas, Pau López.
Goles: Min.7 Nando 1-0; Min.11 Adrián Tapias 2-0; Min.12 Nando 3-0; Min.35 Marc Campas 3-1; Min.37 Rubén Sánchez 3-2; Min.40 Marc Campas 3-3.
Equipo Arbitral: Cristian Cubero García, Marcos Pérez Rodríguez, Luis Manuel Manso Martín, Inmaculada Silva Martínez.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
