Viveiro, 18 de novembro de 2022. O Concello de Viveiro mantén o seu apoio e compromiso co deporte de base local coa concesión das subvencións nominativas por un importe conxunto de 95.400 euros con 25 clubs e asociacións deportivas.
A través da tramitación de modificacións de crédito no orzamento municipal de 2022 con cargo ao remanente de tesourería de 2021, concedéronse estas subvencións dos que 63.900 euros corresponden a gastos de temporada, e 31.500 euros son en concepto de gastos de organización de diferentes eventos deportivos.
Ademais, o Concello de Viveiro colabora ao longo de todo o ano cos distintos eventos que se organizan no municipio, como mostra do seu compromiso co deporte e, sobre todo, no impulso do deporte base.
“Na adxudicación destas subvencións deportivas téñense en conta determinados criterios segundo se trate de equipos séniors ou clubs que traballen con categorías inferiores. Neste último caso, se os colectivos ou asociacións están ubicados no concello, concédeselles un importe unitario de 1.500 euros como mínimo”, detalla a alcaldesa de Viveiro, María Loureiro.
“En xeral analízase a categoría na cal militan e valórase, asemade, a súa clasificación para competicións provinciais, galegas ou nacionais, xunto ao número de equipos, por categorías, dentro de cada club”, engade a alcaldesa.
Á hora de que decidir ás subvención establécense diferencias entre aquelas entidades que deben desprazarse nun mesmo día a diferentes localidades para competir, as que incrementaron os seus gastos durante a temporada anterior por clasificarse para competicións de ámbito nacional ou as que, pola súa propia normativa, teñen que cumprir con determinados requisitos como a obrigatoriedade de levar un vehículo en carreira.
“Polo que respecta aos equipos séniors, concédeselles unha subvención de 500 euros a cada un deles polo tempo dedicado a ensinar e promocionar o deporte en categoría adultos”, recorda María Loureiro.
Ademais, o Concello de Viveiro asume a xestión e os gastos de mantemento da Piscina Municipal, do Pavillón Municipal e do Campo Municipal Marcos Gómez, xunto ao pavillón do IES Vilar Ponte, que é utilizado por asociacións e colectivos deportivos fóra de horario escolar. Tamén se sufraga a luz e a limpeza parcial do pavillón de Celeiro.
Este domingo, 8M, celebrouse un xantar no restaurante O Noso Lar no que participaron máis de 100 mulleres con posterior baile na Casa do Mar.
Reuniu na xornada deste sábado no pavillón de deportes a 700 ximnastas procedentes de diferentes puntos da provincia de Lugo e tamén dun club convidado de Pontevedra. Foi un día intenso de deporte e de convivencia, que tivo unha importante repercusión na hostalería local. Desde o Concello felicitan a todas as participantes, subliñan o traballo da organización (Escola Porta Norte) e agradecen o apoio das entidades colaboradoras.
No marco do 8M, esta empresa de comunicación e publicidade decidiu celebrar a súa traxectoria reunindo a 18 mulleres diferentes para compartir as súas experiencias no ámbito persoal e profesional, co obxectivo de render un homenaxe á muller.
No acto, organizado coa colaboración da Vicepresidencia da Deputación e a área de Cultura do Concello, entregouse o Premio do Público ao filme Antes de Nós, de Ángeles Huerta, a obra máis votada pola cidadanía. A deputada de Cultura Iria Castro destacou que este encontro serve como adianto da gala e subliñou o orgullo de converter Lugo no epicentro do audiovisual galego durante estas semanas cheas de actividades arredor dos galardóns.
Cabe sinalar que o concello de Castro de Rei solicitou xa a súa adhesión ao novo convenio de xestión da biomasa nas faixas secundarias asinado entre a Consellería do Medio Rural e a empresa pública Seaga. Destacou así que a prevención é unha tarefa compartida por administracións e propietarios. Sinalou tamén as importantes novidades que presenta este convenio con respecto aos anteriores acordos, como é o incremento do orzamento, que ascende ata os 25 millóns de euros anuais.
A charla será impartida por Diego Fernández Méndez, colaborador da asociación, quen repasará a evolución do sector conserveiro e o seu impacto económico e social no municipio. A actividade inclúe un recoñecemento ás mulleres traballadoras de Conservas Albo, coincidindo coa conmemoración do 8M, cunha mención especial ás últimas empregadas que pecharon esta etapa histórica. A xornada rematará cunha degustación de produtos da marca.
