Ribadeo, 20 de decembro de 2022. A cuarta edición da moeda local, a Pancha, está tocando á súa fin coa adquisición das 200.000 panchas que se puxeron en circulación o pasado 1 de outubro. Dende o inicio da campaña leváronse a cabo máis de 3.300 operacións coa moeda local, cun aforro de máis do 33% en cada unha delas.
O concelleiro de Economía, Desenvolvemento Local e Turismo, Pablo Vizoso, cualificou como un éxito o desenvolvemento da campaña e asegurou que “son máis de 100 establecementos de comercio, de hostalaría e do sector servizos de Ribadeo os que se están vendo moi beneficiados coa Pancha. Proba disto é a adquisición da totalidade da moeda local posta a disposición por este ano”.
Pablo Vizoso mostrouse moi satisfeito, “posto que dende o Concello se realizou unha forte inversión, un total de 85.000 euros de fondos públicos, que se traducen en 200.000 panchas que están a deixar un retorno económico moi superior en Ribadeo e que están permitindo ás persoas usuarias da moeda, tanto locais como visitantes, un aforro de 100 euros por persoa ou dun 33% por cada pago en Panchas”.
Constatouse tamén durante estes meses que o sistema dixital utilizado para a Pancha está plenamente integrado e que, dende o ano pasado que se comezou a empregar, mellorouse e axilizáronse moito os pagos e os cobros.
Neste sentido, o edil ribadense afirmou que “ao longo destes meses, dende a Área de Desenvolvemento Local, puxémonos a disposición tanto desde o Concello como desde Acisa, ben de xeito presencial ou telefónico, de todas as persoas que precisaran axuda ou información para utilizar a nosa moeda local. O que se conseguiu foi que a Pancha fora accesible a todas as persoas, para que todas elas se puideran beneficiar do seu uso”.
Por último, o concelleiro de Desenvolvemento Local engadiu que “aínda que non se poidan mercar máis Panchas por este ano, quedan máis de 20.000 Panchas das que xa están mercadas por gastar, polo que lles recordamos a aquelas persoas que aínda non as gastaran, que teñen ata o próximo día 31 de decembro para poder pagar as súas compras coa moeda local de Ribadeo”.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
Este domingo, 8M, celebrouse un xantar no restaurante O Noso Lar no que participaron máis de 100 mulleres con posterior baile na Casa do Mar.
Reuniu na xornada deste sábado no pavillón de deportes a 700 ximnastas procedentes de diferentes puntos da provincia de Lugo e tamén dun club convidado de Pontevedra. Foi un día intenso de deporte e de convivencia, que tivo unha importante repercusión na hostalería local. Desde o Concello felicitan a todas as participantes, subliñan o traballo da organización (Escola Porta Norte) e agradecen o apoio das entidades colaboradoras.
Unha comedia orientada para público infantil escrita e dirixida por Bea Campos. Hora: 18h.
