Ribadeo, 17 de xaneiro de 2023. No salón de plenos do Concello de Ribadeo foron asinados os convenios coas escolas deportivas de inverno. Son 11 as modalidades que se imparten no curso 2022-2023 e ás que asisten 470 nenas e nenos. No acto participaron o alcalde, Fernando Suárez, o concelleiro de Deportes, Jorge Díaz, e o técnico municipal de Deportes, Iván López.
O edil ribadense contou que “acabamos de asinar un novo convenio coas escolas deportivas de inverno. Hai 11 modalidades: fútbol sala, tenis de mesa, ximnasia rítmica, pádel, natación, fútbol, atletismo, hóckey, patinaxe, baloncesto e tenis. Hai arredor de 470 nenos e nenas deste concello cun importe sufragado polo Concello de Ribadeo de preto de 53.000 euros”.
Díaz Freije subliñou o esforzo realizado polas entidades deportivas: “hai que agradecer moito o esforzo das entidades deportivas porque con isto facemos un tándem, traballando de xeito conxunto con eles, e logramos que o deporte base deste concello siga aumentando e continúe a un bo ritmo paulatinamente ano tras ano”.
O concelleiro de Deportes engadiu: “desexamos que con este abano tan amplo os pícaros e pícaras, nenos e nenas, rapaces e rapazas deste concello se sintan a gusto e practiquen a modalidade que prefiran”.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
